2014 jyldan bastap Aqtóbe oblysynda organdardy transplantasııalaý baǵdarlamasy tabysty oryndalýda. Osy ýaqyt ishinde organdy transplantasııalaýdyń barlyq máseleleri boıynsha halyqqa kómek kórsetetin barlyq qyzmet quryldy. Aqtóbe medısınalyq klasteri bazasynda búırekti transplantasııalaý boıynsha ózdiginshe operasııalar qazirgi zamanǵy barlyq standarttarǵa sáıkes keledi. Kóp jaǵdaıda naýqastyń týystary donor bolyp tabylady.
Jaqynda Aqtóbede búırek transplantasııalaýdyń kezekti operasııasy júrgizilip, onda naýqastyń óz qaryndasy donor boldy, osylaısha ol aǵasyna ekinshi ómir syılady. Bul Aqtóbe jerindegi elýinshi mereıtoılyq operasııa bolǵandyqtan dárigerlerdiń arnaıy esebine alyndy. Sońǵy jyldary Aqtóbe dárigerleri búırekti transplantasııalaý boıynsha 38 operasııa, baýyrdy transplantasııalaý boıynsha 12 operasııa jasady.
Aqtóbe medısınalyq klasteri transplantasııalaýdy odan ári damytý boıynsha belsendi jumys jasaýda. Basty maqsat - búkil Batys óńiriniń turǵyndary úshin organdardy transplantasııalaýdy júzege asyrý, osylaısha respýblıkamyzdyń turǵyndarynyń densaýlyǵyn jaqsartý.
