Kezdesýdi ashqan oblys ákimi sońǵy jyldary aqparattyq-kommýnıkasııalyq tehnologııalar óńir ekonomıkasynyń barlyq salalarynda qarqyndy damyp kele jatqanyn atap ótti.
«Sońǵy jyldary aqparattyq jáne kommýnıkasııalyq tehnologııalar ekonomıkanyń barlyq salalarynda qarqyndy damýda. Kórsetiletin memlekettik qyzmetter sapasyn, sıfrlandyrý jáne jobalyq basqarýdy arttyrý máseleleri memlekettik basqarý salasyndaǵy basym baǵyttardyń birine aınaldy. Sondyqtan, onyń qalyptasýy men odan ári damýy zamanaýı naryqtyq standartqa sáıkes bolýy úshin óz aldyna derbes memlekettik organ bolyp tabylatyn Qyzylorda oblysynyń sıfrlyq tehnologııalar basqarmasyn qurdyq. Sonymen qatar, oblysymyzda sıfrlandyrý jumystarynyń tıimdi júrýin úılestirý maqsatynda oblys ákiminiń sıfrlandyrý máseleleri jónindegi keńesshisi laýazymyn engizý jóninde sheshim qabyldandy»,- dedi aımaq basshysy.
Sıfrlandyrý jónindegi oblys ákiminiń keńesshisi qyzmetine Aqmaral Álmenova taǵaıyndaldy.
Álmenova Aqmaral Baıjanqyzy 1989 jyly týylǵan. Qorqyt Ata atyndaǵy Qyzylorda memlekettik ýnıversıtetin «Aqparattyq júıeler», Novosıbırsk memleketik ulttyq zertteý ýnıversıtetiniń magıstratýrasyn «Informatıka jáne esepteý tehnıkasy», sondaı-aq Qazan federaldyq ýnıversıtetiniń aspırantýrasyn «Esepteý mashınalary, keshenderi men kompıýterlik júıelerdi matematıkalyq jáne baǵdarlamalyq qamtamasyz etý» mamandyqtary boıynsha bitirgen. Tehnıka ǵylymdarynyń kandıdaty. 2014 jyldan bastap osy kezge deıin Tatarstar Respýblıkasy Ǵylym akademııasynyń kishi ǵylymı qyzmetkeri laýazymynda qyzmet atqaryp keldi.
