Qazaqstan • 13 Qyrkúıek, 2018

Eltańbadaǵy «Qazaqstan» sózi latyn grafıkasymen jazylady

1880 ret

kórsetildi

1 mın

oqý úshin

2018 jylǵy 12 qyrkúıekte Etalon ortalyǵynda QR IDM Tehnıkalyq retteý jáne metrologııa komıteti basshysy Arman Shaqqalıevtiń tóraǵalyǵymen Ǵylymı-tehnıkalyq komıssııanyń otyrysy boldy, dep habarlaıdy komıtet Feısbýktegi paraqshasynda.

Egemen Qazaqstan

Eltańbadaǵy «Qazaqstan» sózi latyn grafıkasymen jazylady

Oǵan Memlekettik eltańbanyń avtory Jandarbek Málibekov, «Qazaqstan standarttaý jáne sertıfıkattaý ınstıtýty» RMK basshylyǵy da qatysty.

Otyrysta «Qazaqstan Respýblıkasynyń Memlekettik Eltańbasy. Tehnıkalyq sharttar» QR ST 989-2014 standartyna engiziletin №1 ózgeristerdi maquldaý týraly sheshim qabyldandy.

Oǵan sáıkes, ulttyq standarttyń búkil mátininde «Qazaqstan» sózin latyn grafıkasymen «QAZAQSTAN» etip ózgertý, sondaı-aq ΔE túster dıapazonyn qoldaný týraly ózgerister qabyldandy.

Budan tys, Memlekettik Eltańbanyń elementteri men tarıhyn sıpattaýǵa ádistemelik quraldarǵa silteme, Qazaqstan Respýblıkasy Memlekettik Eltańbasynyń avtory Jandarbek Málibekov jasaǵan konstrýktorlyq qujattama qosyldy. О́zgeristerdi engizý úshin Qazaqstan Respýblıkasy Memlekettik Eltańbasynyń avtory jáne óndirýshilerdiń qatysýymen birqatar otyrystar ótkizildi.

Eske sala keteıik, ózgeristerdi Prezıdent Nursultan Nazarbaevtyń «Qazaq álipbıin kırıllısadan latyn grafıkasyna kóshirý týraly» Jarlyǵyna sáıkes, arnaıy jasaqtalǵan Jumys toby ázirlegen.