Kúndelikti qoǵamdyq tártipti qamtamasyz etý úshin oblys ortalyǵynyń kóshelerinde Ulttyq gvardııanyń soldattarymen birlesip 160 qyzmetkerden turatyn 58 jaıaý baǵyttar jáne 42 patrýldik avtomashınalar kezekshilik atqarady.
Jergilikti polısııa qyzmetiniń negizgi baǵyttarynyń biri qylmystylyqtyń aldyn alý, qoǵamdyq qaýipsizdikti qamtamasyz etý bolyp negizdelgen. Osy baǵytta atqarylǵan jumystardyń nátıjesinde oblys kóleminde jalpy qylmystylyqtyń deńgeıi - 17,3 paıyzǵa, onyń ishinde, qoǵamdyq oryndarda jasalǵan qylmystar - 6,0, kóshelerde - 8,6, mas kúıinde jasalǵan -12,2 paıyzǵa azaıdy.
Jaıaý baǵyttardy shyǵarý nátıjesinde qazirgi tańda turǵyndardan «102»-ge túsetin habarlamalar sany da azaıýda.
Taldaý kórsetkendeı, shilde aıynda azamattardan 25 437 aryz-shaǵymdar tirkelse, tamyz aıynda olardyń sany 17 517 qurap, atqarylǵan jumystar nátıjesinde aryz-shaǵymdardyń sany azaıdy.
Sonymen qatar, Qyzylorda qalalyq ishki ister basqarmasynyń Jergilikti polısııa qyzmeti jol-patrýldik polısııa qyzmetkerlerimen shilde aıynda QR ÁQBtK-niń 440-babymen Ýaqytsha beıimdeý ortalyǵyna 364 quqyq buzýshy jetkizilse, jaıaý baǵyttyń shyǵý kómegimen tamyz aıynda 680 quqyq buzýshy jetkizildi.
Jaıaý baǵyttardyń tikeleı qatysýymen 18 qylmystyń beti izi sýymaı ashyldy. Máselen, 2018 jyldyń 21 tamyzynda Araı móltek aýdanynda ornalasqan kafeniń janynda jaıaý patrýldermen Tasbóget polısııa bólimshesine Qazaqstan Respýblıkasynyń Qylmystyq Kodeksiniń 188- babynyń 1-bóligi boıynsha urlyq jasaǵany úshin eki azamat ustaldy. Sondaı-aq, aǵymdaǵy jyldyń tamyz aıynyń 27-i men qyrkúıek aıynyń 5-i kúnderi aralyǵynda oblys kóleminde ótken «Jasóspirim» jedel-profılaktıkalyq sharasy barysynda 10 kún ishinde túngi ýaqytta (túngi 23:00-den tańǵy saǵat 06:00-ǵa deıin) zańdy ókilinsiz júrgen 115 jetkinshek Kámeletke tolmaǵandardy beıimdeý ortalyǵyna jetkizildi. Tártip saqshylary olardyń ata-analarymen túsindirme jumystaryn júrgizdi.
Qyzylorda OIID qala turǵyndaryn qarapaıym saqtyq sharalaryn saqtap, qandaı da bir quqyq buzýshylyq jasalǵan jaǵdaıda tez arada «102» telefony arqyly polısııaǵa habar berýin suraıdy.
