41 jastaǵy aıtýly mamannyń esimi fýtzal áleminde keńinen tanymal. Bapkerlik kásipti bastaǵaly beri ol Reseıdiń «Spartak-Shelkovo», SSKA jáne «Dınamo-Iаmal» klýbtarynda jemisti eńbek etti. Keıinnen Bakýdiń «Neftchıi» men Ázirbaıjannyń jastar quramasyn jattyqtyryp, sol komandalardyń biraz belesterdi baǵyndyrýyna súbeli úles qosty. Qap taýy bókterinde biraz jyl eńbek etkennen keıin qaıta Reseıge oralyp, áıgili «Gazprom-Iýgranyń» tizginin ustady. Ústimizdegi jyldyń kóktem aılarynda Qazaqstanǵa at basyn buryp, Almatynyń «Qaıratyn» baptaı bastady. Mine, endi Kaka Qazaqstannyń ulttyq quramasyn da jattyqtyrady.
Esterińizge sala keteıik, 23 qyrkúıekte jerlesterimiz Bakýde Ázirbaıjan quramasyna qarsy joldastyq kezdesý ótkizedi. Sol básekede qazaqstandyq fýtzalshylarǵa Kaka jetekshilik etedi.
Ǵalym SÚLEIMEN,
«Egemen Qazaqstan»
