Oblys ákimi Bolat Baqaýovtyń tóraǵalyǵymen ótken jıynda aldaǵy jyly Joldaýdy júzege asyrý úshin atqarylatyn maqsat-mindetter aıqyndaldy.
Joldaýda 2019 jyldyń 1 qańtarynan bastap eń tómengi jalaqy mólsheri 1,5 esege, ıaǵnı 28 myń teńgeden 42 myń teńgege deıin ósetini aıtylǵany belgili. Bul kúnderi oblysymyzda «Jol kartasy 2020-2025» jobasy júzege asýda. Jobanyń maqsaty – jańa jumys oryndaryn ashyp, halyqty tabyspen qamtamasyz etý.
– Bul ártúrli menshik ıesindegi barlyq kásiporyndarǵa, bıýdjettik uıymdardyń qyzmetkerlerine tikeleı qatysty, – dep atap ótti oblys ákimi.
Sondaı-aq oblys ákimi ekonomıka salasynda otandyq óndiris kólemin arttyryp, eksporttyq úlesimizdi ulǵaıtý mindeti turǵanyn atap ótti.
Mysaly, tehnologııalyq qaıta jaraqtandyrýǵa jergilikti óndiris oshaqtary 200,0 mlrd teńge jumsaǵan. О́tken jyly oblys ekonomıkasyna 484 mlrd teńge ınvestısııa tartylypty. Indýstrııalandyrýdyń ekinshi bes jyldyǵy aıasynda 19 joba iske asyrylyp, nátıjesinde 3 myńdaı jumys orny ashyldy. Bıyl ındýstrııalandyrý kartasy aıasynda taǵy 8 jańa joba júzege asyrylmaq.
О́ńirde sýarmaly jerlerdiń kólemin arttyrý boıynsha jumys jalǵasýda. Bıyl bul kórsetkish 59 myń gektarǵa jetkizilmek. Ertis ózeni men Sátbaev sý arnasy boıynda 120 myń gektardan astam alqapta sýarmaly egistik sharýashylyǵyn damytý josparlanýda. Oblysymyz úshin jańa baǵyt – ońtústiktegideı qant qyzylshasyn ósirip, óndirý bastalmaqshy. Qazirgi ýaqytta qant qyzylshasyn óńdeıtin kásiporyn salý máselesi talqylanýda. О́ńirde agroónerkásiptik keshenniń áleýetin paıdalanyp, 2022 jylǵa deıin óńdelgen aýyl sharýashylyǵy ónimderiniń eksporty men jumys ónimdiligin 2,5 ese arttyrý jobasy da qolǵa alynýda.
Elbasynyń tapsyrmasyna sáıkes, mektepke deıingi bilim berý sapasyn túbegeıli jaqsartýymyz kerek. Bul salada biliktilik talaptaryn, oqytý ádisin, tárbıeshilerdiń jáne balabaqshadaǵy basqa da qyzmetkerlerdiń eńbegine aqy tóleý júıesin qaıta qaraý qajet. B.Baqaýov osy maqsatta oblysymyzda tıisti «Jol kartasy» ázirlenip jatqanyn aıtty.
Oblys ákimi turǵyn úı máselesine de toqtaldy. Bul rette, Memleket basshysy turǵyn úı ıpotekasynyń qoljetimdiligin arttyratyn jańa aýqymdaǵy «7-20-25» baǵdarlamasy boıynsha jumysty kúsheıtýdi tapsyrǵan bolatyn.
– Biz atalǵan baǵdarlamaǵa qatysýǵa nıetti bıýdjettik sala mamandary úshin alǵashqy jarnalaryn ishinara sýbsıdııalaýdy qolǵa almaqpyz, – dedi aımaq basshysy.
Oblys ákiminiń birinshi orynbasary Ulan Jazylbektiń aıtýynsha, óńirde «Nurly jer» baǵdarlamasy arqyly bıyl 300 myń sharshy metr turǵyn úı paıdalanýǵa berilmek. «7-20-25» baǵdarlamasy boıynsha 305 páter satylyp jatyr. Búginde baǵdarlama boıynsha 13 ótinish túsip, onyń 7-ýi maquldanǵan.
– О́kinishke qaraı, buǵan deıin «7-20-25» baǵdarlamasy boıynsha ótinishter az boldy. Buǵan páter satyp alýǵa qajetti alǵashqy jarna kóleminiń kóptigi sebep bolǵandaı, – dedi U.Jazylbek.
Al oblys ákiminiń orynbasary Álııa Arynova oblys boıynsha salyqtyq boryshy bar 12 myń kásipkerdiń 927 mıllıon teńge kólemindegi qaryzy amnıstııalanatynyn aıtty. Shaǵyn jáne orta bıznes salasynda sońǵy eki jylda jalpy quny 14 mlrd teńge bolatyn 280 joba qarjylandyrylǵan.
Oblys ákiminiń áleýmettik máseleler jónindegi orynbasary Meıram Begentaev Elbasy tapsyrmasyna sáıkes mektepke deıingi mekemelerdegi oqytý baǵdarlamalary qaıta qaralatynyn jetkizdi. Bıylǵy jyldyń 1 qyrkúıeginen bastap oblysymyzda 1 jáne 8 synyp aralyǵyndaǵy 74 myń oqýshy Nazarbaev zııatkerlik mektebiniń oqytý úlgisimen bilim alyp jatqanyn jetkizdi.
Oblystyq máslıhat hatshysy Baqyt Bekseıitova ustazdarǵa kommýnaldyq tólemder jasaýda jeńildikter usynylýy, bastapqy jarnasyz turǵyn úı alý, jeńildikpen sanatorıılerde dem alý quqyǵy berilýi qajet degen usynysyn aıtty. Al Tereńkól aýdanynyń ákimi Janat Shuǵaevtyń aıtýynsha, aýdanda aýyl sharýashylyǵy salasynda jerlerdi tıimdi paıdalaný, sýarmaly egistik alqaptarynyń kólemin arttyrý mindeti tur.
Qala ákimi Ánýar Kúmpekeevtiń aıtýynsha, turǵyn úı-kommýnaldyq sharýashylyq salasynda «Pavlodar elektr jelilerin taratý kompanııasy» AQ sııaqty kásiporyndardyń keıbir qyzmetteriniń aqysy tómendetilýde. О́z sózinde oblys ortalyǵyndaǵy Nazarbaev zııatkerlik mektebiniń dırektory Rınat Jumabaev oblystyq orta bilim berý mekemelerimen tájirıbe almasý baǵytynda jumys isteýge ázir ekenin jetkizdi.
Al «Munaı-hımııa zaýyty» JShS-niń vıse-prezıdenti Ermek Baımuhanov óndiristi qoldaý baǵytynda memleket tarapynan kórsetilip jatqan sharalardyń mańyzdylyǵyn atap ótti. Kásiporynda qazir tehnologııa, sandyq júıe qyr-syryn biletin bilikti, bilimdi jastar eńbek etýde. О́ıtkeni munaı zaýytynda jumystar túgel avtomattandyrylǵan.
Aktıv otyrysy sońynda óńir basshysy Bolat Baqaýov jıynǵa qatysýshylardy Joldaý júktegen mindetterdi birlese júzege asyrýǵa shaqyrdy.
Farıda BYQAI,
«Egemen Qazaqstan»
Pavlodar oblysy
