Foto: hi-news.ru
Eksperıment Vest-Poınttaǵy AQSh Áskerı akademııasynyń bazasynda ótti. Dáris barysynda Bina48 roboty ýnıversıtet oqytýshylarynyń biri Ýılıam Barrımen birge shamamen 100 tyńdaýshy bolatyn aýdıtorııa úshin fılosofııa páninen dáris oqydy.
«Biz bul eksperıment arqyly Bina48 robotynyń múmkindikterin synaǵymyz keldi. Dál osyndaı robottar stýdentterdiń qyzyǵýshylyǵyn arttyra ala ma degen suraqtarǵa jaýap izdedik», dedi Ýılıam Barrı
Dáris bastalar aldynda Bina48 robotynyń jadyna soǵys, saıasat, fılosofııa teorııalary men sabaq jospary týraly derekter júkteldi. Sondaı-aq robotqa ınternetten alynǵan materıaldardy paıdalanýǵa tyıym salyndy. О́ıtkeni ol ýıkıpedııa men Stenford ensıklopedııasyn ońaı baıandaı alady.
«Biz robottyń sabaq berýi oıyn-saýyq sıpatta óte me dep oılaǵan edik. Alaıda dáris oqý jospary boıynsha oıdaǵydaı ótti. Stýdentter sabaq barysynda taqyrypqa qatysty suraqtar qoıdy. Al Bina48 roboty esh qıyndyqsyz barlyq qoıylǵan suraqtarǵa jaýap berdi», deıdi zertteýshiler.
