Elbasymyzdyń halyqqa arnaǵan árbir Joldaýy – elimizdi damytýǵa arnalǵan negizgi qadam bolyp tabylady. Máselen, Joldaýda «Aqyldy tehnologııalar» men agroónerkásip keshenin qarqyndy damytýdyń múmkindigi jaıly keńinen aıtylǵan.
Osy oraıda jańa tehnologııalardy paıdalana otyryp, Qazaqstandy jańa ózgeristerge beıimdeý, ózimizge qajettisin qoldanysqa engizý asa mańyzdy.
Jalpy, elimizdiń damyǵan elder qataryna kirýi úshin aýyl sharýashylyǵy salasynda ǵylymmen aınalysatyn bilikti mamandardy daıyndap shyǵarý kezek kúttirmeıtin máselelerdiń biri. О́ıtkeni, aýyl sharýashylyǵy básekege qabilettiliktiń joǵary deńgeıin talap etetin sala.
Meniń pikirim boıynsha, aýyl sharýashylyǵy – ekonomıkanyń negizgi qozǵaýshy kúshi. Muny barlyq jastar tereń túsinýi tıis. Sondyqtan búgingi stýdent ýnıversıtet qabyrǵasynan alǵan bilimimen, alǵan dıplomymen shektelip qana qoımaı, dúnıejúzilik qatań básekege tótep berýge beıimdelýi qajet. Elbasy Joldaýynyń mańyzdylyǵy da osynda dep oılaımyn. О́ıtkeni, aıtylǵan agroónerkásipti, tehnologııany, jańa tehnıkany, eńbek ózgeristerin, jańalyqtardy, basqa da jańa jobalardyń barlyǵyn júzege asyratyn jastar.
Qazirgi tańda aýyl sharýashylyǵy salasyna joǵary ónim alýǵa múmkindik beretin jańa tehnıkalar, jańa óndiristik tehnologııalar engenine baılanysty, memleketimizge aýyl sharýashylyǵyn jaqsy meńgergen mamandyq ıeleri óte qajet bolyp otyrǵany anyq. Sondyqtan elimizge óz kásibin teorııalyq jáne praktıkalyq turǵydan tereń biletin jáne túsinetin jas mamandar qajet.
Men bilip alyp jatqan oqý orny respýblıkadaǵy árbir aımaqtardyń ákimshilikterimen tyǵyz qarym-qatynas ornatyp, taýaróndirýshilerge ǵylymı tájirıbelik qyzmet kórsetýde. Haryqaralyq deńgeıdegi ǵylymı-zertteý jáne bilim berý bazasyn qurýdyń zamanaýı tásilderin meńgerip, strategııalyq baǵytta júıeli damý júıesin qalyptastyra alýy – ýnıversıtetimizdiń keıingi kezdegi basty jetistikteriniń biri. Munyń barlyǵy Joldaýdan týyndaıtyn mindetterdi iske asyrýǵa múmkindik beredi.
Nazerke SULTANQYZY,
Qazaq ulttyq agrarlyq ýnıversıteti «Agrobıologııa» fakýltetiniń magıstranty
ALMATY
