Bul Eýroodaq tarıhyndaǵy alǵashqy jaǵdaı. Qabyldamaý sebebin jańa jobanyń kelisilgen defısıt parametrlerinen asýymen túsindiredi.
Eýroodaqtyń qarjy-ekonomıka komıssary Per Moskovskı Brıýsseldiń Italııa saıası qundylyqtarynan kúmandanbaıtynyn aıtty. Al Eýrokomıssııa tóraǵasynyń orynbasary Valdıs Dombrovskıs bıýdjet tapshylyǵy kórsetkishin ósirý ekonomıkanyń órkendeýin tejeıdi deıdi.
«Bizdiń suranysymyzǵa naqty túsinikteme kelmedi. Bıýdjet tapshylyǵy men memlekettik qaryzdy azaıtý, ekonomıkalyq ósim jospary týraly suraqqa jaýap ala almadyq. Bul shekten shyǵý emes. Degenmen, Italııanyń keıbir mınıstrleri jospardy durys dep sanaıdy», dedi Moskovskı.
Brıýssel Italııa úkimetine jalpy eýropalyq normatıvterge sáıkes kelmegen bıýdjet parametrlerin qaıta qarastyrýǵa, bıýdjet tapshylyǵy kórsetkishin 0,8-0,9%-ǵa tómendetýge keńes berdi. Talaptardyń oryndalýyna úsh apta kóleminde ýaqyt berildi. Bıýdjet jobasynyń basty maqsaty memlekettik qaryzdy azaıtý bolýy kerek. О́ıtkeni Italııa memlekettik qaryz kólemi boıynsha Grekııadan keıingi ekinshi orynda.
Italııa buǵan deıin birneshe ret ekonomıka reformasy jospary men bıýdjet saıasatynan bas tartpaıtynyn málimdegen bolatyn. Memleket bıligine kelgen popýlıster partııasynyń úsh jyldyq bıýdjet jospary saılaýda ýáde etilgen áleýmettik shyǵyndardy ósirýge negizdelgen.
