Jıynǵa elimizdiń Mádenıet jáne sport mınıstrligi Til saıasaty komıtetiniń tóraǵasy Qýat Borashev, A. Baıtursynuly atyndaǵy Qazaq til bilimi ınstıtýtynyń dırektory Erden Qajybek, Baký memlekettik ýnıversıtetiniń professory, Fırýza Aǵaeva qatysty.
Oblys ákiminiń orynbasary Meıram Begentaev sóz sóılep, respýblıkalyq deńgeıdegi mańyzdy sharaǵa qatysýshylarǵa «Latynǵa kóshý- zaman talaby, ári el úshin mańyzdy ekenin aıtyp ótti.
Komıtet tóraǵasy Qýat Borashevtiń aıýtynsha, latyn qarpine kóshýge oraı, jalpy halyqtyń usynys-tilekterine oraı jańa nusqasyna qosymsha ózgerister men tolyqtyrýlar engizildi. Arnaıy ulttyq komıssııa qurylyp, otyrystar ótkizildi. Orfografııalyq, ádistemelik, termınologııalyq jáne aqparattyq- tehnologııalyq jumys toptary quryldy.
- Daıyndyqty uıymdastyrý kezeńi aıaqtaldy, - deıdi Qýat Borashev. - Keler jyly naqty iske kirisemiz. 2019 jyly daıarlyq synyptar latyn grafıkasyna kóshedi, al 2020 jyly 1 synyp oqýshylary bastaıdy. 2021-2025 jyldar aralyǵynda tólqujattarymyz, normatıvtik-quqyqtyq aktiler, memlekettik basylymdar latyn grafıkasyna kóshiriledi.
-14 qarasha kúni latyn grafıkasy negizinde jalpyhalyqtyq alǵashqy dıktant jazý uıymdastyrylady. Barlyq óńirlerde bir mezette saǵat 11.00-de bir saǵat shamasynda dıktant jazý bastalady. Barlyq óńirlermen onlaın baılanysta bolamyz, -dedi Qýat Borashev.
Sonymen birge, «Qazaq radıosy» arqyly tikeleı efırde taralady. EMLE.KZ saıtynda stýdentter men jastar úılerinde otyryp dıktant jaza alady. Qazirgi tańda respýblıkalyq til saıasaty ǵalymdary óńirlerdi aralap, jumys isteýde.
Farıda BYQAI,
«Egemen Qazaqstan»
PAVLODAR
