Kórmege respýblıkamyzǵa belgili qylqalam sheberleri Sársenbek Ábilqasym, Tólegen Súleımenov jáne Aǵymsaly Dúzenovterdiń eńbekteri qoıyldy. Sóz alǵan azamattar Temirbek Júrgenovtiń qazaq halqyna, mádenıetine sińirgen ólsheýsiz eńbegi jóninde syr shertti. Alashtyń aıtýly tulǵasy Stalındik zulmattan aman qalǵan joq. Ol týraly Temirbek Júrgenov qoǵamdyq qorynyń tóraǵasy, Qyzylorda oblystyq Qoǵamdyq Keńes múshesi Sábı Ábdiqadyruly Ańsat bylaı deıdi:
«Ol О́zbekstandaǵy atalǵan deńgeıdegi laýazymdy qyzmetin qaldyryp, 1933 jyly elge kelip qazaq degen ulttyń tiline, bilimi men mádenıetine, memleket bolyp qalyptasýyna ushan-teńiz eńbek sińirdi. Alash ardaqtylary tutqyndalyp, atylyp jatqan kezeńde óziniń de aman qalmaıtynyn bile tura, «Otanyńmen salystyrǵanda eń qymbatyńnyń ózi arzan», dep Qadyr aqyn aıtqandaı, bir shybyndaı janynyń amandyǵynan ultyna qyzmet etýdi artyq kórip, osyndaı qadamǵa bardy. О́zine de, ózgege de qatań talap qoıyp, kúndiz-túni, jarǵaq qulaǵy jastyqqa tımeı, ólsheýli ýaqytqa berilgen múmkindikti ult múddesine barynsha paıdalanýǵa umtyldy. Qyrýar sharýa tyndyrdy. Kózi tirisinde-aq, halyq arasynda úlken qurmetke, zor bedelge ıe bolǵan azamat ult zııalylyryna qarsy uıymdastyrylǵan zulmattyń qurbanyna aınaldy.
Temirbek Júrgenov syndy memleket jáne qoǵam qaıratkerleriniń aqtalǵanyna 60 jyldan assa da, qazirgi ǵylym men tehnologııa damyǵan zamanda árqaısysynyń súıekteri jeke dara saraptalyp, jer qoınyna ıslam shartymen áli tapsyrylǵan joq. Alash arystarynyń resmı beıitiniń bolmaýy bizdiń memlekettigimizge, qala berdi táýelsizdigimizge ózge memleketter men ulttar aldynda úlken syn», deıdi.
Kórmeden soń Qazaqstan Respýblıkasy Mádenıet jáne sport mınıstrliginiń qoldaýymen Akademııanyń shyǵarmashylyq ujymy Qyzylorda qalasynda memleket jáne qoǵam qaıratkeri Temirbek Júrgenovtiń 120 jyldyǵyna arnalǵan jáne Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda «Rýhqa taǵzym» atty merekelik konsert ótkizdi.
Alash ardaqtysynyń óz týǵan jerinde mereıtoıynyń laıyqty atalyp ótýine oblys ákimidigi úlken qoldaý kórsetti. Qazaq halqynyń úlken bolashaǵy úshin qasyqtaı qanyń qıǵan azamat eshqashan umytylmaq emes. Ony halyqtyń uly tulǵaǵa degen súıispenshiliginen baıqadyq.
Baqtııar TAIJAN,
«Egemen Qazaqstan»
Qyzylorda oblysy
