«Uly dala» atty ejelgi óner jáne tehnologııalar mýzeıin ashýǵa tolyq múmkindigimiz bar. Oǵan ozyq óner men tehnologııa úlgilerin – ań stılinde jasalǵan buıymdardy, «Altyn adamnyń» jaraqtaryn, jylqyny qolǵa úıretý, metallýrgııany damytý, qarý-jaraq, saýyt-saıman daıyndaý úderisin kórsetetin zattardy jáne basqa da jádigerlerdi jınaqtaýǵa bolady. Onda Qazaqstan jerinen tabylǵan qundy arheologııalyq eskertkishter men arheologııalyq keshenderdiń ekspozısııalary qoıylady. Bul zattar tarıhı dáýirlerdiń qandaı da bir kezeńindegi ártúrli sharýashylyq salalarynyń damý úderisin kórsetedi», dedi Elbasy.
Sondaı-aq maqalada «Uly dalanyń uly órkenıetteri» atty jalpyulttyq tarıhı rekonstrýksııalar klýbyn quryp, sonyń negizinde Astanada jáne Qazaqstannyń ózge de óńirlerinde ejelgi saqtar, ǵundar, uly túrki qaǵandarynyń dáýiri jáne basqa da taqyryptar boıynsha festıvaldar ótkizýge bolatynyn, oǵan qyzyǵýshylyq bildirgen adamdardy tarta otyryp, osy taqyryptar aıasyndaǵy jumystardy bir mezgilde júrgizýge bolatyny basa aıtylǵan.
Aıta keteıik, oǵan qosa bilimdi jáne týrızmdi damytýǵa kóńil bólý kerektigin aıtty.
«Ejelgi Otyrar qalasynyń birqatar nysandaryn – úıleri men kóshelerin, qoǵamdyq oryndaryn, sý qubyrlaryn, qala qamalynyń qabyrǵalary men taǵy da basqa jerlerin ishinara qalpyna keltiretin týrıstik joba da qyzyqty bolmaq.
Osynyń negizinde bilimdi dáripteýge jáne týrızmdi damytýǵa basa mán berilýi qajet».
