Myqtynyń aty – qashanda myqty

О́tken juma, senbi jáne jeksenbi kúnderi úlken tennısten Qazaqstan qurama komandasy Devıs kýbogy jolyndaǵy kezdesýlerin ótkizdi. Qa­zaqstandyqtardyń birinshi kezeńdegi qarsylas­ta­ry osy kýboktyń ótken jylǵy jeńimpazy – Ispanııa quramasy edi. Byltyr qazaqstandyqtar da jaqsy óner kórsetip, shırek fınalǵa deıin jetken bolatyn. Biraq bul joly jerebe boıynsha birden álemdegi eń myqty quramaǵa tap bolyp,  jeńilis­tiń ashy dámin tatýǵa týra keldi. Sóıtip, sensasııa oryn almady. Esep barlyq kezdesýlerdiń qory­tyndysy boıynsha – 5:0.

О́tken juma, senbi jáne jeksenbi kúnderi úlken tennısten Qazaqstan qurama komandasy Devıs kýbogy jolyndaǵy kezdesýlerin ótkizdi. Qa­zaqstandyqtardyń birinshi kezeńdegi qarsylas­ta­ry osy kýboktyń ótken jylǵy jeńimpazy – Ispanııa quramasy edi. Byltyr qazaqstandyqtar da jaqsy óner kórsetip, shırek fınalǵa deıin jetken bolatyn. Biraq bul joly jerebe boıynsha birden álemdegi eń myqty quramaǵa tap bolyp,  jeńilis­tiń ashy dámin tatýǵa týra keldi. Sóıtip, sensasııa oryn almady. Esep barlyq kezdesýlerdiń qory­tyndysy boıynsha – 5:0.

Alǵashqy bolyp kortqa Qazaqstannyń birinshi raketkasy Mıhaıl Kýkýshkın shyqqan edi. Onyń qarsylasy tájirıbeli tennısshi Hýan Karlos Ferrero bolatyn. Bul kezdesý asa tartystylyǵymen erekshelendi. Jalpy, oıyn 5 setke jalǵasyp, Devıs kýbogy jolyndaǵy básekelerde uzaqtyǵy jó­ninen Qazaqstan rekordy jańardy. Qos tennısshi kortta tórt jarym saǵattan astam ýaqyt oınady. Nátıjesinde 3:2 esebimen ıspanııalyq tennısshi jeńiske jetti.

Ekinshi kezdesýde elimizdiń ekinshi raketkasy Andreı Golýbevke úmit artylǵan-tyn. Biraq qazaqstandyq sportshy súreńsiz oıyn kórsetip, úsh sette taza jeńildi. Jalpy, bul jekpe-jekte A.Golýbevtiń kóptegen qatelikter jibergenin atap kórsetken jón. Osylaısha, eki kezdesýden keıin esep 2:0 ıspandyqtardyń paıdasynda edi.

Endigi másele qosarlanyp óner kórsetetin tennısshilerimizge tirelgen edi. Biraq olar da jankúıerler úmitin aqtamady. Evgenıı Korolev pen Iýrıı Shýkın qarsylastaryna esh qarsylyq kórsete almaı, ońaı utyldy. Sóıtip, jalpy esep 3:0-ge jetti. Bul Qazaqstan quramasy jarys jolynan shyǵyp qaldy degendi bildiretin edi.

Oıyn taǵdyryn sheshpeıtin qalǵan eki kezdesýde de ıspan sheberleriniń mereıleri ústem boldy. Evgenıı Korolev álemniń 11-shi raketkasy Nıkolas Almagroǵa ese jiberdi. Esep – 3:0. Al Andreı Golýbev te sheberlik deńgeıi ortasha Marsel Granolerstiń aldynda dármensizdik tanytty. Bul oıynda qazaqstandyq bir sette ǵana qarsylasynan basym túse aldy. Jalpy esep 3:1 bolyp, ıspan­dyqtyń paıdasyna sheshildi.

«Egemen-aqparat».