О́ńir basshysy «Ideal Plast CONSTRUCTION» JShS-niń metall-plastıkalyq terezeler men vıtrajdar shyǵaratyn fabrıkasynda boldy. Fabrıka 2009 jyly ashylǵan. Búginde munda óndiris prosesin 80 paıyzǵa deıin avtomattandyrýǵa múmkindik beretin aldyńǵy qatarly túrik jabdyǵy ornatylǵan. Bul joǵary halyqaralyq sapa standarttaryn saqtaýdy qamtamasyz etedi. Kásiporyn basshysy Arkadıı Iаkovlevtiń aıtýynsha osyǵan uqsas jabdyq tek Almatyda ǵana bar.
Fabrıkada 25 adam jumyspen qamtylǵan. Ortasha eńbekaqy 90-110 myń teńge. Tolyq iske qosylǵan kezde munda jylyna 215 myń sharshy metr tereze men 120 myń sharshy metr vıtraj shyǵara alady. О́nim Qazaqstannyń barlyq óńirinde joǵary suranysqa ıe.
О́ndiristi qarap shyqqan oblys ákimi damý josparymen tanysyp, tehnıkalyq jaraqtanýy men joǵary tehnologııalyq jabdyqqa tańdanǵanyn jetkizdi.
- Tehnologııalar men ınnovasııalardyń bolashaǵy bar. Áriptesterińiz – shaǵyn jáne orta bıznes ókilderi sizderden úırense ǵoı. О́z kezegimizde, bizder damyp, eksportqa shyǵyp, zamannan ilgeri júretin jergilikti óndirýshilerge jan jaqty qoldaý kórsetýge daıynbyz. Bul úshin kóptegen memlekettik qoldaý sharalary bar, dep atap ótti óńir basshysy.
Aıta ketý kerek, 2019 jyly fabrıka ónim túrlerin keńeıtpek.
- «Bıznestiń jol kartasy – 2020» memlekettik baǵdarlamasy aıasynda lamınattalǵan jáne boıalǵan PVH-profılderin shyǵarýdy jolǵa qoıýdy josparlap otyrmyz, - dedi josparlarymen bólisken Arkadıı Iаkovlev.
Sondaı-aq, oblys ákimi munaı-gaz salasyndaǵy ónerkásip nysandaryn jobalaý, salý, jańǵyrtý jáne tehnıkamen qaıta qarýlandyrý qyzmetterin kórsetetin «EkoEkspress Aqtóbe» JShS – kópsalaly ınjenerlik-qurylys jáne óndiris kásipornyna bardy. Munda munaı qyzdyratyn peshter, bý generator qondyrǵylary men basqa da mamandandyrylǵan jabdyqtar óndiriledi. Búginde kásiporynnyń 2009 jyldan beri jumys jasap kele jatqan seriktesteri Qazaqstandaǵy iri munaı óndiretin, energetıkalyq jáne munaı servıs kompanııalary bolyp tabylady.
Temir QUSAIYN,
«Egemen Qazaqstan»
