Aýdanǵa ishki qóshi-qon boıynsha 20 otbasy (92 adam) , syrtqy kóshi-qon boıynsha 25 otbasy (89 adam) keldi.
Mysaly, Mańǵystaý oblysynan 26 adamy bar 5 otbasy, Túrkistan oblysynan 14 adamy bar 3 otbasy, Jambyl oblysynan 4 adamy bar,1 otbasy, Almaty oblysynan 33 adamy bar 7 otbasy, Qyzylorda oblysynan 15 adamy bar 4 otbasy aýdanǵa qonys aýdarǵan.
Sonymen birge, aralarynda «Serpin» baǵdarlamasy boıynsha oqý bitirip kelgen Rozııa Atembaeva, Sary Qystaýbaı, Rahmanova Dılbar, Esenbaev Qoldas, Qunanbaı Jalyn degen jastar da bar.
Aýdanǵa barǵan jolsapar kezinde bizde jastarmen kezdestik. Basqarmanyń málimetinshe, Ishki kóshi qon boıynsha jumysqa jaramdy 46 adamnyń 37-si turaqty jumysqa ornalastyrylypty.
Túrkistan oblysy, Saıram aýdanynan qonys aýdarǵan Nııaztaev Madıkarımniń 200-ge taıaý iri qara maly bar, oǵan 300 gektar jer berilgen.
Shymkenttik Jalǵas Kenjeev 6 paıyzdyq tómen mólsherlememen 3 mıllıon teńge nesıe alǵan. Qazir Kenjeev qojalyǵynda 14 bas sıyr bar, qora salyp jatyr.
Al syrtqy kóshi-qon boıynsha aýdandaǵy Olgıno aýylyna Qytaıdan kóship kelgen 25 otbasy jumyspen qamtylýda. Ishki jáne syrtqy kóshi-qon boıynsha kóship kelgen árbir otbasy múshesine jol shyǵyndaryn óteý úshin beriletin 35 eseptik kórsetkish mólsherindegi qarjy 44 otbasyna berildi.
Aýyldaǵy mektepte barlyǵy 1-11 synyptar aralyǵynda jergilikti turǵyndardyń 66 balasy bilim alýda.
Al, Qytaıdan ata-anasymen birge kelgen 16 oqýshy úshin qazaq tilinde bilim beretin 4 synyp ashyldy: 1-synypta 4 oqýshy, 2-synypta 7 oqýshy, 3-synypta 4 oqýshy, 4-synypta 1 oqýshy bar.
Jalpy, kommýnaldyq qyzmetterge aqy tóleý shyǵystaryn óteýge sýbsıdııa, otbasylar úıdi birden satyp alǵandyqtan erejege sáıkes 12 aıdyń aqshasyn bir rette 38 otbasyna berilgen.
Farıda BYQAI,
«Egemen Qazaqstan»
Pavlodar oblysy, Ýspen aýdany
