«Digital Urpaq» Pıonerler saraıy óz jumysyn bas­tady

Saltanatty rásimde sóı­­legen sózinde aımaq bas­­shysy Qumar Aqsaqalov eli­mizde balamasy joq ny­sannyń baǵa jetpes ma­ńyzdylyǵyn atap ótti.

– Ortalyq – Elba­sy N.Nazarbaevtyń sol­­­­tús­tikqazaqstandyq ja­ńa býynǵa jasaǵan tamasha tar­týy. Búgingi kún úr­dis­­terine tolyq jaýap beredi, álemdegi eń ozyq IT-tehno­logııa­lar paı­dalany­lady. Bilim berý, ro­bottehnıka,­ bıotehnologııa, meha­tro­nıka, ekobıologııa, kór­ke­m­óner, máde­nıet, shy­ǵar­­mashylyq, oıyn-saýyq úıir­meleri men ǵylymı bir­­lestikter jumys isteı­di. 87 úıirmege 1800 oqýshy men stýdent bir mezgilde qa­tysyp, súıikti isterimen alańsyz aınalysa alady, – dedi Qumar Irgebaıuly.

Munda «Sıfrly Qa­zaq­stan» baǵdarlamasy aıa­syn­da qabiletti, talantty jastardyń qosymsha bi­lim alyp, ıntellektýal­dy damý múmkindikterin jetildirýdiń san qyrly jol­dary qarastyrylǵan. Máselen, ǵylymı-zertteý keshenine akvaponıka, gıdroponıka, vermıferma tárizdi júıeler kiredi. Mun­da sý janýarlarynyń qal­dyqtaryn ósimdik sha­rýashylyǵynda káde­ge jaratý tehnologııasy­ qol­­da­nylady. Dándi da­qyl­­dar­dyń ósýin jedelde­tetin fı­topreparattardy­ sy­naq­tan ótkizip, odan ári­ je­­tildirýge bolady.­ Eko­logııalyq taza ónim­der alý, ósim­dikterdi to­­py­raq­syz ósi­rýdiń tá­ji­rıbe alańdary men zert­ha­nalyq taldaýlar pán­ge, ǵylymǵa degen qyzy­ǵý­­shy­lyqty arttyrary­ sóz­siz. Elektronıka, elektr­ teh­nıkasy, galografııa syn­dy­ úıirmelerge on jas­tan­ asqan kez kelgen bala ja­­zyla alady. Qajetti aq­parattar LED-ekrandar jáne beıneqabyrǵalar ar­qy­ly qamtamasyz etiledi. 

Osynda «Tasqyn» dep atap ketken «Tespıan» esim­­­di dramalyq akter ro­bot­ balalardyń sıfr­ly teh­no­logııalardy meń­­­gerýi­ne­ kómek qolyn sozý­ǵa ázir. Ol 17 tilde sóıleı ala­­dy. Án de salady, «Qa­ra­ jorǵany» da bılep be­redi, klassıkalyq shy­ǵar­ma­lardan úzindi de oqı­dy. Robotty brıtandyq ǵa­lym­d­ar qurastyrǵan.

15 myń sharshy metr aýmaq­ta ornalasqan Pıo­ner­ler saraıyn tolyq­qandy jabdyqtaýǵa 2 mıllıard teńge jumsaldy. 

О́mir ESQALI,

«Egemen Qazaqstan»

Soltústik Qazaqstan oblysy