2018 jylǵy qyrkúıekte Nıý-Iork qalasynda BUU Bas Assambleıasynyń 73-shi sessııasy alańdarynda ótken AО́SShK-ne múshe memleketteri syrtqy ister mınıstrleriniń kezdesýi barysynda 2018-2020 jj. merzimine Forým tóraǵalyǵy Qytaıdan Tájikstanǵa tabystaldy.
Kezdesý barysynda Mınıstr Q. Ábdirahmanov baýyrlas Tájikstandy kúrdeli halyqaralyq jaǵdaıda jańa jaýapty mıssııanyń bastalýymen quttyqtaı otyryp, Qazaqstan Forýmnyń negizin qalaýshy memleket bolǵandyqtan jumysyna belsene qatysýǵa jáne jańa tóraǵaǵa jan-jaqty qoldaý kórsetýge ýáde berdi.
Kezdesý barysynda syrtqy saıası vedomstvosynyń basshysy Qazaqstan Prezıdenti Nursultan Nazarbaevtyń halyqaralyq jáne aımaqtyq qaýipsizdikti qamtamasyz etýge baǵyttalǵan bastamalaryna erekshe nazar aýdardy. Astanada Azııa keńesiniń negizinde Eýropadaǵy Qaýipsizdik jáne Yntymaqtastyq Uıymynyń, AО́SShK-tiń jáne ASEAN óńirlik forýmy halyqaralyq hatshylyqtar basshylarynyń kezdesýin uıymdastyrý týraly ózara pikir almasý ótti. Onyń tabysty ótkizilýi jaqyn arada Eýrazııa jáne Evroatlantıkadaǵy qaýipsizdik boıynsha halyqaralyq Konferensııa qurý prosesin bastaýǵa múmkindik beredi.
Suhbattasýshylar Forým músheleri kópshiliginiń qoldaýyna ıe bolǵan Azııadaǵy qaýipsizdik pen damýdyń jańa halyqaralyq uıymyn qurý jónindegi qazaqstandyq bastamany júzege asyrýdaǵy birlesken jumysty saraptamalyq deńgeıde jalǵastyrý qajettigin atap ótti.
Taraptar AО́SShK jumysynda sabaqtastyqty qamtamasyz etý jáne Forýmǵa múshe elderdiń, ásirese Keńestiń burynǵy tóraǵasy Qytaı (2014-2018 jj.) tarapynan qurylǵan Jastar jáne Iskerlik keńesteri, Úkimettik emes forýmy, Keńestiń jańa músheleri retinde Katar, Bangladesh jáne Shrı-Lanka memleketteri qabyldanyp, Laos Halyqtyq Demokratııalyq Respýblıkasy men Halyqaralyq kóshi-qon uıymy baqylaýshy mártebesine ıe bolǵan mańyzdy bastamalaryn odan ári dáıekti túrde júzege asyrý qajettigin atap ótti.
AО́SShK Hatshylyǵynyń Atqarýshy dırektory atap ótkendeı, Tájikstan, Qazaqstannyń belsendi qoldaýymen Keńeske óz tóraǵalyǵy kezeńinde Forýmnyń geografııasyn keńeıtý jáne onyń barlyq bes ólshemi (áskerı-saıası, ekonomıkalyq, ekologııalyq jáne gýmanıtarlyq, sondaı-aq jańa qaýip-qaterlerge qarsy kúres salasyndaǵy praktıkalyq yntymaqtastyǵyn kúsheıtý) boıynsha jumysty jalǵastyrýǵa daıyn.
Arnaıy uıymdastyrylǵan kezdesý barysynda taraptar 2019 jyly Tájikstanda ótetin AО́SShK memleket basshylarynyń kezekti besinshi Sammıtin daıyndaý men ótkizý, sondaı-aq Azııa keńesin odan ári damytý jáne ınstıtýsıonaldy nyǵaıtý men Forým Hatshylyǵyn sapaly kadrlarmen nyǵaıtý máselelerin talqylady.
AО́SShK - 1992 jyly Qazaqstan bastamasymen qurylyp, Azııadaǵy qaýipsizdikti qamtamasyz etý salasyndaǵy ózara suhbattyń negizin salý, sheshimderdi qabyldaý men sharalardy iske asyrý úshin jaǵdaı jasaýǵa baǵyttalǵan halyqaralyq forým bolyp tabylady.
Búgingi tańda Azııanyń 27 memleketi AО́SShK-niń músheleri. Baqylaýshylar retinde Forýmǵa 8 memleket jáne 5 halyqaralyq uıym qatysady.
2014 jyldan bastap AО́SShK shtab-páteri Astana qalasynda ornalasqan.
