Naýqan kezinde Almaty qalasynyń, Shymkent qalasy men Túrkistan oblysynyń, Qaraǵandy jáne Almaty oblystarynyń, sondaı-aq Astana qalasynyń turǵyndary belsendilik tanytqan. Kampanııa nátıjesi bul bastamanyń Astana, Almaty sekildi iri qalalar úshin ǵana emes, aımaqtar úshin de mańyzdy ekenin kórsetti.
Qazirgi ýaqytta emhananyń tirkeý bólimderi arqyly tirkelý toqtatyldy. Naýqanǵa qatysqan qazaqstandyqtardyń basym bóligi emhanaǵa ózderi baryp tirkelse, 13,5 myńǵa jýyǵy onlaın qyzmetti tańdaǵan (egov.kz portaly arqyly).
MSQ Astana fılıaly dırektory Nurlybek Qabdyqaparovtyń aıtýynsha, búgingi kúnge deıin Astana qalasy boıynsha emhanaǵa tirkeý naýqany kezinde 40248 azamat tirkelgen, olardyń ishinde Egov.kz portaly arqyly tirkelgender de bar. Sondaı-aq 26487 turǵyn medısınalyq-sanıtarlyq alǵashqy kómek uıymy men mamandy erkin tańdaý quqyǵyn paıdalanǵan. Al naýqan aıasynda tirkelgen 13668 adam – turaqty nemese ýaqytsha meken-jaıy, jumysy, oqý orny ózgerýine baılanysty emhanalaryn aýystyrǵan tulǵalar. Naýqan sheńberinde emhanalarǵa tirkelgen azamattarǵa 2019 jyldyń 1 qańtarynan bastap qyzmet kórsetiledi. Azamattar tikeleı júginse, olardy MSAK uıymdaryna bekitken kezde buryn bekitilgen MSAK uıymdarynan esepten shyǵarý «Bekitilgen halyq tirkelimi» portalynyń derekqory arqyly avtomatty túrde júzege asyrylady.
Bıylǵy tirkeý naýqanyna 31 emdeý mekemesi qatysty. Tirkelgender sany boıynsha Astana qalasyndaǵy № 6, 10 jáne 4 emhanalar aldyńǵy úshtikte.
Jalpy, tirkeý naýqany – emhana aýystyrýdyń jalǵyz joly emes. Qazaqstandyqtardyń jylyna bir ret emhana aýystyrýǵa múmkindigi bar. Sonymen qatar, qonys aýdarǵanda, emhana jabylyp qalsa nemese MSQ-men kelisimshartty buzsa, jaqyn mańnan jańa emhana salynsa, emhana qyzmetine qatysty shyǵyndardy jabatyn erikti medısınalyq saqtandyrý kelisimshartyn bekitken jaǵdaıda basqa emhanaǵa aýysýǵa bolady.
«Áleýmettik medısınalyq saqtandyrý qory» KEAQ-men kelisimshartqa otyrǵan medısına uıymdarynyń tolyq tizimin Medısınalyq saqtandyrý qorynyń fms.kz saıtynan tabýǵa bolady. Olar kepildendirilgen tegin medısınalyq kómek sheńberinde halyqqa qyzmet kórsetpek.
