Aımaq basshysynyń birinshi orynbasary Aıdarbek Saparov agrosektordyń damý áleýeti jaıly baıandama jasady.10 aıdyń qorytyndysy boıynsha aýylsharýashylyǵynyń jalpy ónimi 464 mıllıard teńgeni qurady. 61 mıllıard teńge ınvestısııa quıyldy. 5,3 mıllıon tonna bıdaı qambaǵa tústi. Maıly daqyldardyń alqaby ulǵaıyp, 1 mıllıon gektarǵa jetti. Bıdaıdyń jalpy ónimi 61 mıllırd, maıly daqyldar 25 mıllıard teńgege ulǵaıdy. Aýylsharýashylyǵyndaǵy eńbek ónimdiligi bir adamǵa shaqqanda 2,4 mıllıon teńge bolsa, jyl sońyna deıin 3 mıllıon teńgege jetpek.
Saltanatty sharada birneshe atalym boıynsha jeńimpazdar anyqtaldy. Gektar berekeligin 23,6 sentnerden aınaldyrǵan Qyzyljar aýdanyna 30 mıllıon teńgeniń sertıfıkaty tabys etildi. Jambyl aýdany 20 mıllıon, Aqqaıyń aýdany 10 mıllıon teńge syıaqyǵa ıe boldy.
Aýylsharýashylyǵy salasyna sıfrlyq tehnologııalardy qoldanýda «Atameken Agro», egis alqaptaryn ártaraptandyrýda «Babyq-Burlyq», joǵary eńbek ónimdiligin qamtamasyz etýde «Servıs Jarys» seriktestikteri eń úzdik dep tanylyp, arnaıy syılyqtar tapsyryldy.
Aýylsharýashylyǵy salasyn damytýdaǵy úlesteri úshin «Shaǵala Agro», «Shatılo jáne K», «Taıynsha Astyq» sharýashylyqtarynyń jetekshileri keýdelerine «Aýylsharýashylyǵy salasynyń úzdigi» tósbelgisi qadaldy. Bir top dıqan oblys ákiminiń qurmet gramotasy men alǵys hatyn aldy. Konserttik baǵdarlamada elimizge tanymal ánshiler Qaırat Baekenov, «Format» toby óner kórsetti.
О́mir ESQALI,
«Egeme Qazaqstan»
Soltústik Qazaqstan oblysy
