«Barystyń» joly bolmady
Bıylǵy Qurlyqtyq hokkeı lıgasyndaǵy pleı-off básekesinde«Barystyń» joly taǵy bolmady. Osymen lıgaǵa tórtinshi ret búkilQazaqstannyń atynan shyǵyp, elimizdiń namysyn qorǵaǵan astanalyqkomanda taǵy da pleı-off synynyń kelesi kezeńine óte almady.
Bul joly «Barystyń» jolyn orap ketken komanda Magnıtogordyń «Metallýrgi» boldy. Áýeli bizdiń jigitter «Metallýrgti» tórt kezdesýde 3:1 esebimen jeńip turǵan. Birinshi kezdesýde Magnıtogorda «Qurysh balqytýshylar» 3:2 esebimen jeńiske jetken. Ekinshi matchta endi «Barys» namysqa tyrysyp, alań ıelerin 4:1 esebimen utqan. Odan keıin Astanada ótken eki kezdesýde «Barystyń» joly boldy.
Bıylǵy Qurlyqtyq hokkeı lıgasyndaǵy pleı-off básekesinde«Barystyń» joly taǵy bolmady. Osymen lıgaǵa tórtinshi ret búkilQazaqstannyń atynan shyǵyp, elimizdiń namysyn qorǵaǵan astanalyqkomanda taǵy da pleı-off synynyń kelesi kezeńine óte almady.
Bul joly «Barystyń» jolyn orap ketken komanda Magnıtogordyń «Metallýrgi» boldy. Áýeli bizdiń jigitter «Metallýrgti» tórt kezdesýde 3:1 esebimen jeńip turǵan. Birinshi kezdesýde Magnıtogorda «Qurysh balqytýshylar» 3:2 esebimen jeńiske jetken. Ekinshi matchta endi «Barys» namysqa tyrysyp, alań ıelerin 4:1 esebimen utqan. Odan keıin Astanada ótken eki kezdesýde «Barystyń» joly boldy.
Bul oıyndarda olar 3:2 jáne 4:1 esebimen jeńip, «Metallýrgtiń» aldyna shyqqan. Mine, sol kezde «Barysqa» «Shyǵys» dıvızıonynan jartylaı fınalǵa shyǵý úshin bir ǵana jeńis kerek edi. Alaıda, bizdiń ujym osyndaı jylyna bir ret beriletin tamasha múmkindikti paıdalana almaı, qarsylasymen ótken úsh kezdesýdiń bárinde utylýǵa májbúr boldy.
Sol sońǵy úsh oıynda «Barys» over-taımdarda eki ret 4:3 jáne bir ret 2:1 esebimen jeńildi. Osy matchtardyń ishinde Astanadaǵy 9 naýryz kúngi oıyn qyzyqty jáne asa tartysty ótti. Bul kezdesýde qonaqtar býllıttiń kómegimen esepti teńestirip, odan keıin over-taımdaǵy shaıbanyń esebinen jeńisti sýyryp áketti. Al negizi sol kezde tóreshiler býllıt belgileıtindeı oıyn erejesi buzylmaǵan edi. О́ıtkeni, bizdiń qorǵaýshy Lıtvınenko qonaqtardyń sapyndaǵy Sýshınskııdiń aıaǵyn taıaqpen tartyp emes, aıaǵyna konkıin tıgizip qulatty. Al Sýshınskıı aıdynda ártistik mánerde qulaýdyń sheberi eken. Osyny eskergen máskeýlik tóreshiler tórttigi «Barystyń» qaqpasyna býllıt belgiledi. Sóıtip, sol tórttik «Metallýrgtiń» jeńiske jetýine jaǵdaı jasap berdi.
Osy oıynda tóreshilerdiń jasaǵan taǵy bir qateligi – bizdiń soqqan shaıbamyzdy eseptemeýi boldy. Jańa tórttik aqyldasa kele, Arı Ahonenniń qaqpasy gol soǵylǵanda jyljyp ketti dep shaıbany eseptemeı tastady. Munyń bárin oqyrman qaýym Qurlyqtyq hokkeı lıgasynyń resmı saıtyndaǵy beınetaspalardan kóre alady. Osyndaı tóreshilerdiń kómegimen over-taımǵa deıin áreń kúshi jetken «Metallýrg» Eremeevtiń qaqpasyna taǵy bir shaıba toǵytty.
Mine, osyndaı notamen aıaqtalǵan oıyndarda «Barys» taǵy da kelesi aınalymǵa shyǵý múmkindigin jiberip aldy. Al onyń jolyn orap ketken «Metallýrg» endi «Shyǵys» dıvızıonyndaǵy jartylaı fınalda Ombynyń «Avangard» komandasymen kezdesedi. Osy dıvızıonda taǵy Chelıabiniń «Traktory» men Qazannyń «Aq Bars» ujymy kúsh synasady. Al «Batys» dıvızıonyndaǵy jartylaı fınal Sankt-Peterbýrgtiń SKA-sy men Máskeý oblysy Mytıshı qalasynyń «Atlant» klýbtary jáne Nıjnıı Novgorodtyń «Torpedosy» men Máskeýdiń «Dınamo» komandalary arasynda ótedi.
Dastan KENJALIN.
