Qazaqstan Respýblıkasynyń Zańy №515-IV
Beısenbi, 5 qańtar 2012 6:57
Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly
1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:
1. «Memlekettik áleýmettik tapsyrys týraly» 2005 jylǵy 12 sáýirdegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2005 j., № 6, 8-qujat):
1) kirispe «Qazaqstan Respýblıkasy» degen sózderden keıin «memlekettik organdarynyń jáne» degen sózdermen tolyqtyrylsyn;
Beısenbi, 5 qańtar 2012 6:57
Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly
1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:
1. «Memlekettik áleýmettik tapsyrys týraly» 2005 jylǵy 12 sáýirdegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2005 j., № 6, 8-qujat):
1) kirispe «Qazaqstan Respýblıkasy» degen sózderden keıin «memlekettik organdarynyń jáne» degen sózdermen tolyqtyrylsyn;
2) búkil mátin boıynsha «jobalardy» degen sóz «áleýmettik jobalardy» degen sózdermen aýystyrylsyn;
3) 1-bapta:
1) tarmaqsha mynadaı redaksııada jazylsyn:
«1) áleýmettik baǵdarlama – ózara baılanysty áleýmettik jobalar kesheni;»;
mynadaı mazmundaǵy 1-1) tarmaqshamen tolyqtyrylsyn:
«1-1) áleýmettik joba – áleýmettik máni bar salalardaǵy maqsattarǵa qol jetkizýge baǵyttalǵan, bir jáne odan da kóp jyldar ishinde iske asyrylatyn uıymdastyrýshylyq, ekonomıkalyq jáne tehnıkalyq sharalardyń jıyntyǵy;»;
2) tarmaqshadaǵy «áleýmettik baǵdarlamalardy, jobalardy, sondaı-aq áleýmettik mindetterdi sheshýge baǵyttalǵan jekelegen is-sharalardy» degen sózder «áleýmettik mindetterdi sheshýge baǵyttalǵan áleýmettik baǵdarlamalardy, áleýmettik jobalardy» degen sózdermen aýystyrylsyn;
3) tarmaqshadaǵy «oryndaýshyny» degen sóz «yqtımal ónim berýshini» degen sózdermen aýystyrylsyn;
5) jáne 8) tarmaqshalar mynadaı redaksııada jazylsyn:
«5) memlekettik áleýmettik tapsyrystyń ónim berýshisi (budan ári – ónim berýshi) – memlekettik áleýmettik tapsyrysty júzege asyrýǵa arnalǵan shart boıynsha áleýmettik baǵdarlamalardy, áleýmettik jobalardy iske asyratyn úkimettik emes uıym;»;
«8) úkimettik emes uıymdarmen ózara is-qımyl jáne yntymaqtastyq jónindegi keńester – quramyna múddeli memlekettik organdar men úkimettik emes uıymdardyń ókilderi kiretin, memlekettik organ men úkimettik emes uıymdar arasyndaǵy ózara is-qımyldy jáne yntymaqtastyqty jetildirý jónindegi usynystardy ázirleý úshin qurylatyn konsýltasııalyq-keńesshi organdar;»;
mynadaı mazmundaǵy 10), 11), 12) jáne 13) tarmaqshalarmen tolyqtyrylsyn:
«10) memlekettik áleýmettik tapsyrystyń iske asyrylý monıtorıngi – memlekettik áleýmettik tapsyrystyń iske asyrylýy týraly aqparatty jınaý, óńdeý jáne taldaý;
11) memlekettik áleýmettik tapsyrys salasyndaǵy ýákiletti organ (budan ári – ýákiletti organ) – memlekettik organdardyń memlekettik áleýmettik tapsyrys salasyndaǵy qyzmetin úılestiretin memlekettik organ;
12) memlekettik áleýmettik tapsyrys salasyndaǵy memlekettik organ (budan ári – memlekettik organ) – memlekettik áleýmettik tapsyrysty qalyptastyrý jáne iske asyrý jónindegi qyzmetti júzege asyratyn memlekettik organ, onyń ishinde ortalyq atqarýshy jáne jergilikti atqarýshy organ;
13) Memlekettik áleýmettik tapsyrystyń ónim berýshiler tizilimi – memlekettik áleýmettik tapsyrysty júzege asyrýǵa arnalǵan shart boıynsha áleýmettik baǵdarlamalardy, áleýmettik jobalardy iske asyrýǵa qatysqan úkimettik emes uıymdardyń tizbesi.»;
4) 4-bap mynadaı redaksııada jazylsyn:
«4-bap. Qazaqstan Respýblıkasy Úkimetiniń quzyreti
Qazaqstan Respýblıkasynyń Úkimeti:
1) ýákiletti organdy aıqyndaıdy;
2) memlekettik áleýmettik tapsyrystyń iske asyrylý monıtorıngin júzege asyrý qaǵıdalaryn bekitedi;
3) Qazaqstan Respýblıkasynyń memlekettik satyp alý týraly zańnamasyna sáıkes memlekettik áleýmettik tapsyrysta kózdelgen qyzmetterdi memlekettik satyp alýdy júzege asyrýdyń erekshe tártibin aıqyndaıdy;
4) Memlekettik áleýmettik tapsyrystyń ónim berýshiler tizilimin júrgizý tártibin aıqyndaıdy;
5) ózine Qazaqstan Respýblıkasynyń Konstıtýsııasymen, osy Zańmen, Qazaqstan Respýblıkasynyń ózge de zańdarymen jáne Qazaqstan Respýblıkasy Prezıdentiniń aktilerimen júktelgen ózge de fýnksııalardy oryndaıdy.»;
5) mynadaı mazmundaǵy 4-1 jáne 4-2-baptarmen tolyqtyrylsyn:
«4-1-bap. Ýákiletti organnyń quzyreti
Ýákiletti organ:
1) memlekettik organdardyń memlekettik áleýmettik tapsyrysty qalyptastyrý jáne iske asyrý jónindegi qyzmetin úılestirýdi júzege asyrady;
2) memlekettik áleýmettik tapsyrysty qalyptastyratyn jáne iske asyratyn memlekettik organdarǵa aqparattyq, konsýltasııalyq jáne ádistemelik qoldaý kórsetedi;
3) memlekettik áleýmettik tapsyrystyń iske asyrylý monıtorıngin júzege asyrady;
4) Qazaqstan Respýblıkasynyń Úkimetine memlekettik áleýmettik tapsyrystyń iske asyrylý monıtorınginiń qorytyndylary boıynsha aqparat usynady;
5) óz quzyretiniń sheginde memlekettik áleýmettik tapsyrys salasyndaǵy normatıvtik quqyqtyq aktilerdi ázirleıdi jáne (nemese) bekitedi;
6) Memlekettik áleýmettik tapsyrystyń ónim berýshiler tizilimin júrgizýdi júzege asyrady;
7) memlekettik áleýmettik tapsyrys salasyndaǵy elektrondyq aqparattyq resýrstardy qurady jáne olardyń jumys isteýin qamtamasyz etedi, Qazaqstan Respýblıkasynyń zańnamasyna sáıkes jeke jáne zańdy tulǵalardyń olarǵa qol jetkizýin uıymdastyrady;
8) Qazaqstan Respýblıkasynyń zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge ókilettikterdi júzege asyrady.
4-2-bap. Memlekettik organdardyń quzyreti
Memlekettik organdar:
1) Qazaqstan Respýblıkasynyń Úkimeti aıqyndaıtyn tártippen memlekettik áleýmettik tapsyrysty qalyptastyrýdy jáne iske asyrýdy júzege asyrady;
2) úkimettik emes uıymdarmen ózara is-qımyl jáne yntymaqtastyq jónindegi keńesterdi qurady;
3) ýákiletti organǵa memlekettik áleýmettik tapsyrystyń iske asyrylýy jónindegi aqparatty usynady;
4) memlekettik áleýmettik tapsyrysty júzege asyratyn úkimettik emes uıymdarǵa aqparattyq, konsýltasııalyq, ádistemelik qoldaý kórsetedi;
5) Qazaqstan Respýblıkasynyń zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady.»;
6) 5-baptyń 13) tarmaqshasy «kelisimdi» degen sózden keıin «jáne ulttyq birlikti» degen sózdermen tolyqtyrylsyn;
7) 6-bapta:
1-tarmaq mynadaı redaksııada jazylsyn:
«1. Memlekettik áleýmettik tapsyrysty memlekettik organdar jáne úkimettik emes uıymdar júzege asyrady.»;
3-tarmaq mynadaı redaksııada jazylsyn:
«3. Osy Zańnyń 5-babynda kózdelgen baǵyttar boıynsha jarǵylyq maqsattarǵa sáıkes qyzmetti júzege asyratyn yqtımal ónim berýshiler konkýrsqa qatysýǵa jiberiledi.»;
4-tarmaq alyp tastalsyn;
8) 7-baptyń ekinshi bóligindegi «júzege asyrý» degen sózder «iske asyrý» degen sózdermen aýystyrylsyn.
2. «Memlekettik satyp alý týraly» 2007 jylǵy 21 shildedegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2007 j., № 17, 135-qujat, 2008 j., № 13-14, 58-qujat; № 20, 87-qujat; № 21, 97-qujat; № 24, 128-qujat; 2009 j., № 2-3, 21-qujat; № 9-10, 47, 49-qujattar; № 15-16, 74-qujat; № 17, 78, 82-qujattar; № 24, 129, 133-qujattar; 2010 j., № 5, 23-qujat; № 7, 28, 29-qujattar; № 15, 71-qujat; № 17-18, 108-qujat; № 24, 146-qujat; 2011 j., № 2, 26-qujat; № 4, 37-qujat; № 6, 49-qujat; № 11, 102-qujat; № 13, 115-qujat):
17-baptyń 1-tarmaǵy «konkýrstyq qujattamanyń negizinde» degen sózderden keıin «qazaq jáne orys tilderinde» degen sózdermen tolyqtyrylsyn.
2-bap. Osy Zań 2012 jylǵy 1 qańtardan bastap qoldanysqa engiziledi.
Qazaqstan Respýblıkasynyń Prezıdenti N. NAZARBAEV
Astana, Aqorda, 2011 jylǵy jeltoqsannyń 22-i. №515-IV QRZ
