Qazaqstan • 22 Qańtar, 2019

О́zbek kınosynyń kúnderi ótti

382 ret kórsetildi

О́tken jyly Qazaqstanda atalyp ótken О́zbekstan Res­pýb­lı­ka­synyń  jyly  eki el arasyndaǵy ǵasyrlar boıy saqtalǵan dostyq pen qarym-qatynasty nyǵaıtyp qana qoımaı, jańa deńgeıge kóterdi. Baýyrlas halyqtardyń jaqyndyǵyn tereń­de­týge septigin tıgizetin  aýqymdy sharalar áli de jalǵasyn tabýda. Túrkistan oblysynda ótken   ózbek kınosy kúnderi sol ıgi isterdiń biri. 

Túrki elderine ortaq, məde­n­ıe­­ti men əde­bıeti egiz tarıhı fılm­derdi na­sı­hattaý, kıno­re­­jıs­serler men akter­lar ara­syn­daǵy shyǵar­ma­shylyq baıla­­nysty ny­ǵaı­tý, təjirıbe al­ma­sýǵa jol ashý­dy maqsat etken is-sharanyń ashylýyna ar­­nal­ǵan jıynda Túrkistan obly­sy ákiminiń orynbasary Má­lik Otarbaev, О́zbekstan Res­­pýb­lıkasynyń Qazaqstan Res­pýb­lıka­syndaǵy bas konsýly Abrar Fat­hýl­laev jáne Qa­zaq­­­stan óz­bekteri «Dýstlık» qaýym­das­­ty­ǵynyń tóraǵasy Ikram Ha­shım­­janov quttyqtaý sóz sóı­lep, tarıhı fılmderdiń or­taq tárbıesi men mańyzyna toqtaldy. «Kıno jaı ǵana óner emes, ol qoǵamnyń ulttyq ıdeo­logııasyn qalyptastyratyn úlken quraldyń biri bolyp sanalady. Sondyqtan da kez kelgen memleket óz kıno­ın­dýs­trııasynyń damýyna zor múm­kin­dikter jasaıdy.  Kıno salasy men anımasııanyń bizdiń óńi­ri­mizde damyp kele jatqany qýa­nar­lyq jaǵdaı. 

Byltyrdyń ózinde óńir­­lik týrızmdi damytý, tarıhı-má­denı muralarymyzdy nasıhattap, jastarǵa patrıottyq tárbıe be­­rý maqsatynda «Kúsh atasy – Qa­jymuqan» anımasııalyq fıl­mi jáne «Qalqanqulaq» qııal-ǵajaıyp  telehıkaıasy,  «Kóne jetigen­niń syry» atty tele­serıal jáne «Kıeli Qazy­ǵu­rt», «Otyrardy qorǵaý» atty anımasııalyq fılmderi túsirildi. Búgingi is-sharanyń eki eldiń arasyndaǵy altyn kópir, baýyrlas qazaq-ózbek halyq­ta­­ry­­nyń dostyǵy men birligin nyǵaı­­týǵa sebep bolatynyna seni­­mim mol», dedi M.Otar­ba­ev.

Bul kúni Túrkistan qalalyq mádenıet úıinde kórermen nazaryna qazaqtyń uly aqyny Abaıdyń balalyq shaǵy, qorshaǵan ortasy, shyǵarmashylyǵy muraǵat qujattary qoldanyla túsirilgen «Abaı sózi» derekti fılmi, Shyń­ǵys Aıtmatovtyń qıssasy jeli­­sinde túsirilgen «Sarvkomat Dıl­­barım» kórkem fılmi,   «Oı­kız» ertegisi usynyldy.

Aıta ketelik, ótken jyly Qaz­aq­standaǵy О́zbekstan Res­pýb­lıkasy jylyna baılanysty eki eldiń dostastyǵyn arttyrý, mádenı baılanysty nyǵaıtý maqsatynda 20-dan astam is-shara ótkizilgen bolatyn. 

Ǵalymjan ELShIBAI,

«Egemen Qazaqstan»

Túrkistan oblysy

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Uqsas jańalyqtar