Prezıdent tapsyrmasy aıasynda 2009 jyly Úkimet «tarıfti ınvestısııaǵa aıyrbastaý» shekti tarıfter baǵdarlamasyn qabyldap, bul Qazaqstannyń elektr energetıkasy salasynyń ınvestısııalyq tartymdylyǵyn kóterdi. Dál osy kezeńde EQDB energııa óndiretin aktıvterdi jańǵyrtý úshin «OAEK» kapıtalyna kirý týraly sheshim qabyldady. Banktiń joǵary standarttary qyzmetke oń yqpal etýi nátıjesinde bul tájirıbe aldaǵy ýaqytta qoldanysqa enetin bolady.
Osy basqosý aıasynda «Ortalyq-Azııa otyn-energetıkalyq kompanııasy» AQ («OAOEK») aksıonerleri Eýropalyq qaıta qurý jáne damý banki (EQDB) men Islam ınfraqurylym qorymen (IIQ) jasalǵan birneshe kelisim nátıjesinde óziniń enshiles kompanııasy – «Ortalyq Azııa Elektroenergetıkalyq Korporasııasy» AQ-daǵy úlesiniń 59,65%-dan 92,75%-ǵa deıin artqanyn málimdedi. Sondaı-aq, «OAOEK» AQ-nyń 2018 jyly áleýmettik jobalardy júzege asyrý jáne qarjylyq mindettemelerdi oryndaý boıynsha atqarǵan jumystary qorytyndylandy.
«OAOEK» AQ aksıoneri, «OAEK» AQ prezıdenti Sergeı Kan atap ótkendeı, halyqaralyq ınstıtýtpen seriktes bolýdyń arqasynda «OAEK» enshiles kompanııalary Pavlodar jáne Petropavl qalalarynda elektr jáne jylý energııasy óndirisi boıynsha jańǵyrtylǵan aktıvter úlesin 64,5%-ǵa deıin arttyrýǵa múmkindik bergen aýqymdy ınvestısııalyq baǵdarlamany júzege asyryp, «Nurly Jol» memlekettik baǵdarlamasy aıasynda Pavlodar, Petropavl, Ekibastuz qalalarynda jylý jelilerin jańartýǵa múmkindik alǵan.
«OAOEK» AQ Pavlodar oblysy ákimdigimen jasalǵan áleýmettik jobalardy júzege asyrý týraly memorandým aıasyndaǵy mindettemeleri aıasynda ótken jyly Pavlodardyń Ýsolka shaǵyn aýdanynda júzý basseıni ashylyp, syrtqy ınjenerlik jelileri, sondaı-aq, jylýmen qamtý jelilerin «OAEK» AQ enshiles kompanııasy – «PavlodarEnergo» AQ júrgizdi. Jobany júzege asyrýǵa bólingen qarajattyń jalpy somasy – 814 mln 839 myń teńge. Memorandýmdy júzege asyrý aıasynda «OAOEK» AQ Pavlodarda 2017 jyly Pavlodar montajdaý kolledjiniń stýdentterine arnalǵan 200 oryndyq jataqhana salsa, 2019 jyly «PAVLODARENERGO» kompanııalar tobynyń qyzmetkerlerine arnalǵan kópqabatty turǵyn úı qurylysy aıaqtalmaq. Áleýmettik jobalar, sondaı-aq, Petropavl qalasynda da júzege asyrylýda.
«OAOEK» AQ aksıonerleri «OAEK» AQ enshiles kompanııalarynyń turyǵyndardy elektr jáne jylý energııasymen úzdiksiz qamtý jáne Qazaqstan óńirlerin damytý mindetin oryndaýy úshin ınvestısııalyq jáne áleýmettik baǵdarlamalaryn júzege asyrý turǵysyndaǵy qyzmetine jan-jaqty qoldaý kórsetip keledi.
Elvıra SERIKQYZY,
«Eqemen Qazaqstan»
ALMATY
