Táni saýdyń – jany saý
Senbi, 8 jeltoqsan 2012 7:03
«Qazaqstan-2030» Strategııasyn júzege asyrý maqsatynda Qazaqstan Respýblıkasy Prezıdentiniń 1997 jylǵy 3 jeltoqsandaǵy №1678 Jarlyǵyna sáıkes salamatty ómir saltyn qalyptastyrý qyzmeti qurylyp, Densaýlyq saqtaý mınıstrligine qarasty Salamatty ómir saltyn qalyptastyrýdyń ulttyq ortalyǵy ashyldy.
Atalǵan strategııany oryndaý úshin «Halyq densaýlyǵy» memlekettik baǵdarlamasy men elimizdegi salamatty ómir saltyn qalyptastyrýdyń ulttyq saıasatyn júzege asyrýdyń irgetasy bolyp qalanǵan «Salamatty ómir salty» keshendi baǵdarlamasy qabyldandy.
Senbi, 8 jeltoqsan 2012 7:03
«Qazaqstan-2030» Strategııasyn júzege asyrý maqsatynda Qazaqstan Respýblıkasy Prezıdentiniń 1997 jylǵy 3 jeltoqsandaǵy №1678 Jarlyǵyna sáıkes salamatty ómir saltyn qalyptastyrý qyzmeti qurylyp, Densaýlyq saqtaý mınıstrligine qarasty Salamatty ómir saltyn qalyptastyrýdyń ulttyq ortalyǵy ashyldy.
Atalǵan strategııany oryndaý úshin «Halyq densaýlyǵy» memlekettik baǵdarlamasy men elimizdegi salamatty ómir saltyn qalyptastyrýdyń ulttyq saıasatyn júzege asyrýdyń irgetasy bolyp qalanǵan «Salamatty ómir salty» keshendi baǵdarlamasy qabyldandy.
Ár azamattyń óz densaýlyǵyna jaýapkershilikpen qaraýy, salamatty ómir saltyn qalyptastyrýy – ýaqyt talabynan týyndap otyrǵandyǵy anyq.
О́tken ýaqytqa kóz júgirtsek, alǵash ret Ońtústik Qazaqstan sanıtarlyq aǵartý úıiniń janynan ashylǵan salamatty ómir saltyn qalyptastyrý ortalyǵy 1989 jyldyń 1 qarashasynan oblystyq densaýlyq ortalyǵy bolyp ózgerdi. 1998 jyly oblystyq salamatty ómir saltyn qalyptastyrý problemalarynyń ortalyǵy, sodan keıin salamatty ómir saltyn qalyptastyrý ortalyǵy bolyp ózgerdi.
Halyq kóp shoǵyrlanǵan ońtústiktegi oblystyq salamatty ómir saltyn qalyptastyrý ortalyǵynyń osy aralyqta aıtarlyqtaı jetistikterge jetkendigin atap aıtýǵa bolady. О́negeli eńbekteri úshin salamatty ómir saltyn qalyptastyrý problemalary ulttyq ortalyǵynyń alǵystaryna ıe bolyp, júzderi jarqyn boldy.
Ortalyqtyń negizinde Saryaǵash qalasyndaǵy «Nur Álem», «Álem» densaýlyq ortalyqtary kópshilikke qyzmet kórsetedi. Sondaı-aq, temekige qarsy bólme jumys isteıdi. Budan basqa kóptegen densaýlyq mektepteri, salamatty ómir salty kabınetteri tıimdi jumys júrgizýde.
Buǵan qosa «Salamatty jumys oryndary», «Salamatty ýnıversıtetter», «Densaýlyqty nyǵaıtýǵa beıimdelgen mektepter» jobalary boıynsha da jumys uıymdastyrylýda.
«Salamatty Qazaqstan» memlekettik baǵdarlamasyn júzege asyrýda bizdiń ortalyq turǵyndar, jastar men jasóspirimder arasynda salamatty ómir saltyn qalyptastyrý maqsatynda bilim berý, medısına mekemelerimen jáne memlekettik emes uıymdarmen birlese otyryp kóptegen is-sharalardy uıymdastyrýdy dástúrge aınaldyrǵan.
Jyl saıyn halyqqa tegin medısınalyq-konsýltatıvtik kómek kórsetip, turǵyndarǵa paıdaly keńester beretin respýblıkalyq «Densaýlyq festıvalin» jáne «Densaýlyq joly» aksııalary ótkiziledi.
Aýrýdyń aldyn alý, turǵyndardy aqparattandyrý deńgeıin kóterý maqsatynda túrli taqyryptarda tanymdyq materıaldar shyǵarylyp, beıne, aýdıo rolıkter daıyndalyp jergilikti telearnalar arqyly kórsetilý de júıeli jolǵa qoıylǵan.
Medısınalyq mekeme qyzmetkerleri arasynda «Úzdik aýyl dárigeri», «Salamatty aýyl» atty baıqaýlar jyl saıyn ótkiziledi. Jastar men jasóspirimder arasynda keń kólemdi «Men týberkýlezdi toqtata alamyn!» aksııasy, «Biz jaraqatsyz ómirdi qalaımyz!», «Biz baqytty otbasymyz!» baıqaýlary, «Ákem, anam jáne biz!» atty jas otbasylyq sporttyq estafetalar jáne basqa sharalar ózekti bola túsýde.
Ústimizdegi jyldyń 22-23 qarasha kúnderi «2012 jylǵa arnalǵan salamatty ómir saltyn qalyptastyrý jáne aýrýlardyń profılaktıkasy» boıynsha Salamatty ómir saltyn qalyptastyrý problemalarynyń ulttyq ortalyǵynyń, Kardıologııa jáne ishki aýrýlar, Onkologııa jáne radıologııa, Kóz aýrýlary ǵylymı-zertteý ınstıtýttary mamandarynyń qatysýymen respýblıkalyq semınar-keńes ótti. Sonymen qatar, SО́SQ aımaqtyq (Almaty q., Jambyl, Qyzylorda, Almaty, Ońtústik Qazaqstan oblystary) ortalyqtarynyń basshylary, bastapqy sanıtarlyq-medısınalyq kómek, mamandandyrylǵan (kardıologııalyq, onkologııalyq, oftalmologııalyq) qyzmetterdiń ókilderi qatysqan semınar-keńeste júrek-qan tamyr, onkologııalyq, sýsamyr, glaýkoma sııaqty aýrýlardyń, olardyń asqynýlarynyń aldyn alý, erte satysynda anyqtaý úshin belgili bir jastaǵy adamdar arasynda aldyn ala tekserýdiń, medısına tilimen aıtqanda, skrınıngtik zertteýlerdiń júrgizilýi jáne onyń nátıjeleri sóz boldy.
Ońtústik Qazaqstan oblystyq salamatty ómir saltyn qalyptastyrý ortalyǵynyń bazasynda ótken dırektoratqa salamatty ómir saltyn qalyptastyrý problemalary ulttyq ortalyǵynyń dırektory, medısına ǵylymdarynyń doktory, professor J.Battaqova, medısına ǵylymdarynyń doktory Sh.Qarjaýbaeva, elimizdiń barlyq oblystarynyń SО́SQ ortalyq basshylary qatysty. Onda «Qazaqstan-2030» Strategııasyna 15 jyl», «SО́SQ qyzmetine 15 jyl. Damý joldary, jetistikteri» týraly baıandalyp, pikir almasty.
«Qazaqstan-2030» Strategııasyn júzege asyrýdaǵy SО́SQ qyzmetine 15 jyl toldy. Osy merzimde atalǵan qyzmettiń qol jetkizgen nátıjeleri aıtarlyqtaı: oblys turǵyndarynyń ortasha ómir súrý uzaqtyǵy 69,8 jasty qurap, temeki shegýdiń taralýyn tómendetý 20 paıyzdy, alkogoldi ishimdikterdi qaýipti mólsherde tutynýdy tómendetý 15,5 paıyzdy qurap otyr.
Aldaǵy ýaqytta da tabıǵattyń adamǵa bergen eń qymbat syıy – densaýlyqty saqtaý baǵytyndaǵy SО́SQ qyzmetiniń atqaryp jatqan qoljetimdi, júıeli jumysynyń sátimen júzege asa berýine tilektestik bildiremiz.
Densaýlyq bárinen de qymbat bolǵandyqtan, salamatty ómir salty – bizdiń qalypty tirshiligimizdiń irgetasy bolýy qajet. Sonyń nátıjesinde táni saýdyń – jany saý bolady.
Gúljan ÁMIRQULOVA,
oblystyq salamatty ómir saltyn qalyptastyrý
ortalyǵynyń mamany.
ShYMKENT.
