Bul otandyq medısına kadrlaryn oqytý salasyndaǵy jańalyq bolyp tabylady. Onyń negizgi artyqshylyǵy – shaqyrylǵan mentor-tálimgerler mamandardy «qyzmet oryndarynda» oqytady. Bul rette mentorlardy Qazaqstanǵa shaqyrý, mamandardy shetel klınıkalarynda oqytýdan áldeqaıda arzan. Mentorlar eki aptanyń ishinde kún saıyn klınıkalyq blokta dárigerlermen jáne medbıkelermen birge jumys istep, olardy medısınalyq kómek kórsetýdiń halyqaralyq standarttaryna, ásirese, kúndelikti praktıkada dáleldi medısınany qoldanýǵa úıretedi. Sonymen birge, qazaqstandyq dárigerlermen birige otyryp, aýyr otalar jasaýǵa qatysady. Mysaly, Neırohırýrgııa ortalyǵynda 4 kún boıy mıdaǵy isikterdi alyp tastaý boıynsha 7 ota jasaldy.
«Qazirgi ýaqytta Ulttyq medısınalyq holdıngqa 24 shetel mentory keldi. Al jyl aıaǵyna deıin medısına tálimgerleriniń jalpy sany 77 adam bolady», – delindi Ulttyq medısınalyq holdıngta ótken baspasóz máslıhatynda.
«Egemen-aqparat».
