О́zin ózi taný – jańa zaman pedagogıkasy

Beısenbi, 8 qarasha 2012 7:18

Almatyda «Bóbek» Ult­tyq ǵylymı-praktıkalyq bilim berý jáne saýyqtyrý ortalyǵynyń (UǴPBBSO) 15 jyldyǵyna oraı «О́zin-ózi taný: súıispenshilik pen shyǵarmashylyq pedagogıkasy» halyqaralyq pedagogıkalyq oqý­la­ry tabyspen ótti. Jıynǵa Qazaqstan Res­pýb­lıkasy Bilim jáne ǵylym vıse-mı­nıstri M.N.Sarybekov qatysyp, saltanatty is-sharany uıymdastyrýshylar men res­mı tulǵalardy, atalmysh jıynǵa qa­ty­sýshylardy quttyqtap, 15 jyl ishinde UǴPBBSO-da qyzmet etip kele jatqan aldyńǵy qatarly ǵalymdar, pedagogtar, tár­bıeshiler, ádiskerler men qyzmet­ker­ler­diń eńbegin atap ótip, marapattady. «Bóbek» qorynyń prezıdenti, «О́zin-ózi taný» bilim berý baǵdarlamasynyń avtory Sara Al­pys­qyzy da sóz sóılep, qatysýshylarǵa óz tilegin aıtyp, rızashylyǵyn bildirdi. 

Beısenbi, 8 qarasha 2012 7:18

Almatyda «Bóbek» Ult­tyq ǵylymı-praktıkalyq bilim berý jáne saýyqtyrý ortalyǵynyń (UǴPBBSO) 15 jyldyǵyna oraı «О́zin-ózi taný: súıispenshilik pen shyǵarmashylyq pedagogıkasy» halyqaralyq pedagogıkalyq oqý­la­ry tabyspen ótti. Jıynǵa Qazaqstan Res­pýb­lıkasy Bilim jáne ǵylym vıse-mı­nıstri M.N.Sarybekov qatysyp, saltanatty is-sharany uıymdastyrýshylar men res­mı tulǵalardy, atalmysh jıynǵa qa­ty­sýshylardy quttyqtap, 15 jyl ishinde UǴPBBSO-da qyzmet etip kele jatqan aldyńǵy qatarly ǵalymdar, pedagogtar, tár­bıeshiler, ádiskerler men qyzmet­ker­ler­diń eńbegin atap ótip, marapattady. «Bóbek» qorynyń prezıdenti, «О́zin-ózi taný» bilim berý baǵdarlamasynyń avtory Sara Al­pys­qyzy da sóz sóılep, qatysýshylarǵa óz tilegin aıtyp, rızashylyǵyn bildirdi.  Úsh kúnge sozylǵan halyq­ara­lyq deńgeıde uıymdasty­ryl­ǵan bul ataýly is-sharaǵa Qa­zaqstannyń túkpir-túkpirinen «О́zin-ózi taný» baǵdarlamasyn damytýǵa, jetildirýge úles qo­syp júrgen mektepke deıingi mekeme tárbıeshileri, ádiskerleri, mektep muǵalimderi, kolledj, jo­ǵary oqý oryndary oqytý­shy­la­ry men ǵalymdary qatysty.

«О́zin-ózi taný» bilim berý baǵdarlamasy danalyqtyń shy­ńy, ol – adamnyń ózin-ózi tanýy, baqyt pen ómirlik tabysqa jetý úshin óziniń sheksiz múmkin­dik­te­rin asha alýy. Osy oraıda, jas urpaqtyń rýhanı mádenıetin art­tyryp, kórkemdik álemin baıytýda, dúnıetanymyn qa­lyp­tastyryp, salaýattylyqqa tár­bıeleýde «О́zin-ózi taný» pániniń orny erekshe. «О́zin-ózi taný» baǵdarlamasynyń negizgi maq­saty – adamnyń qorshaǵan ortany bilip, óziniń ishki jan dú­nıesine úńilip, ózin-ózi bas­qarý negizinde adamgershilik-rýhanı áleýetin kóterý. Jeke tul­ǵanyń boıyna ımandylyq nu­ryn uıalatýda bul pánniń máni erekshe zor. О́ıtkeni, bul – kiriktirilgen baǵdarlama.
Bul pán jeke tulǵanyń ózin-ózi tanýyna jáne rýhanı baıýyna áser ete otyryp, árbir tulǵanyń jaqsy jaqqa ózgerýine múmkindik beredi. Sonymen qa­tar, ol jeke tulǵa retinde ózin-ózi tanýǵa jáne ómir­lik ustanymyn, dúnıeta­nym­dyq deń­geıin anyqtaıtyn qun­dy­lyqtar sapasyna ıe bo­lý­ǵa ba­ǵyt-baǵdar beredi. Adamgershilik-rýhanı turǵydan dáris alǵan balalar ómirlik mańyzdy qun­dylyqtar júıesin zerdeleıdi, rýhanı jáne materıaldyq ar­a­qatynas má­selesin paıymdaı otyryp ózindik kózqarastaryn shyńdaı túsedi.
Alǵashqy kúngi jıyndy Astana qalasy balalardy qorǵaý komıtetiniń tóraıymy Raısa Sher ashsa, «Bóbek» UǴPBBSO bas dırektory, pedagogıka ǵy­ly­mynyń doktory, professor Qor­lan Jampeıisova ózin-ózi taný – jańa zaman pedagogıkasy ekendigine, al Májilis depýtaty, saıasattaný ǵylymynyń dokto­ry, professor K.N.Burhanov qa­zirgi Qazaqstannyń qundy­lyq­ta­ry jáne bilim berý júıesine toqtaldy.
Reseı bilim berý aka­demııa­synyń (Daǵystan, Mahachkala) korrespondent-múshesi, p.ǵ.d., pro­fessor Jafar Mallaev «Mahabbat – tárbıe men bilim negizi» ekenin óziniń zertteýleri nátı­je­sinde dáleldegenin jetkizse, Bilim berý tehnologııalaryn da­mytý ınstıtýtynyń (Reseı) rek­tory, G.P.Novıkova mektepke deıingi kezeńde rýhanı qundy­lyq baǵdarlarynyń qalypta­sýy­nyń pedagogıkalyq shart­ta­ryn teorııalyq-ádisnamalyq ne­gizdeý jáne eksperımenttik zert­teýlerine toqtaldy. Al Peda­go­gıkalyq bilim berý ǵylym­dary­nyń halyqaralyq akademııa­sy­nyń (Reseı) prezıdenti E.I.Ar­ta­monova «О́zin-ózi taný muǵa­limniń rýhanı mádenıetiniń is-árekettik máni retinde» taqy­ry­bynda sóz órbitti. Sondaı-aq, ál-Farabı atyndaǵy QazUÝ-dyń professory J.Moldabekov, Oral memlekettik pedagogıkalyq ýnı­versıteti Áleýmettik bilim berý ınstıtýty (Reseı) dırek­tory­nyń orynbasary V.V.Baılýk, Jas­tar akademııasy resmı emes aǵartý assosıasııasynyń pre­zıdenti, Lıtva jastar ortaly­ǵy­nyń dırektory Valdas Iаnkaýskas, Býr­gas táýelsiz ýnıver­sı­te­ti­niń (Bolgarııa) profes­sory Iska Derıjan, «Iаzyk ı lıteratýra» ǵylymı-ádis­te­me­lik jýr­nalynyń bas redak­tory Taır Ashrafogly Alıev, Abaı atyn­daǵy QazUPÝ-diń «Ult­tyq tárbıe jáne ózin ózi taný» kafedrasynyń meńgerýshisi Saýle Imanbaeva, t.b. taqyryp aıa­synda baıandamalar jasap, tá­ji­rıbeleriniń nátıjelerimen bó­listi.
Ekinshi kúni TMD elderinen kelgen pedagog-gýmanısterdiń she­berlik synyptary, sondaı-aq, bilim berý júıesiniń negizgi bas­paldaqtary boıynsha uıym­das­tyrylǵan: mektepke deıingi bilim berý, orta bilim berý, teh­nı­kalyq jáne kásiptik, joǵary bilim berý uıymdary pedagog­tarynyń pedagogıkalyq sheberhanalary jáne seksııalyq otyrystary ótti. Tústen keıin pe­dago­gı­ka­lyq oqýlarǵa qatysý­shy­­lardyń jumysy taldanyp, qarar qa­byldandy.

Gúlzeınep SÁDIRQYZY,
«Egemen Qazaqstan».