Qazaqstandyq kardıohırýrgter komandasy, kardıohırýrg Iýrıı Pıa basshylyǵymen Chehııa, Izraıl, Italııa jáne AQSh seriktesterimen birigip ótken jyldyń jeltoqsanynda qosalqy qanaınalym qurylǵysyn ımplantasııalaý boıynsha otany sátti jasady. Ota júrgizilgen alǵashqy naýqas –1994 jyly týǵan Almaty qalasynyń turǵyny Ismaıl Tursynov.
«Ismaıldyń ómiri kúrt ózgerdi. Oǵan qoıylǵan dıagnoz- DILATASIONDYQ KARDIOMIOPATIIа. Ismaıldyń otasy Izraılde jaqynda paıda bolǵan jańa tehnologııalarmen jasaldy. Onyń biregeıligi – jasandy asqazan komponentteriniń ólsheminiń kishi bolǵandyqtan pasıenttiń denesinde yńǵaıly ornalasqan. Denesiniń syrtqy bóliginde tek bekitkish baý, baqylaý qurylǵysy, akkýmýlıator jáne júrek jaǵdaıyn baqylaýǵa múmkindik beretin arnaıy qurylǵylar ornatyldy. Qurylǵy úzdiksiz zarıadtalady, bul aýrý juqtyrý qaýpin tolyǵymen boldyrmaıdy. Jańa tehnologııa medısınalyq quralsyz 8 saǵatqa deıin jumys jasaýǵa múmkindik beredi. Izraıldik jańa tehnologııa boıynsha mundaı ota álemde esh jerde júrgizilgen joq», - deıdi dáriger.
Búginde Ismaıl Tursynov ózin jaqsy sezinip, qalypty ómir súrip júr. OKQ-de ótken baspasóz máslıhatynda Ismaıl jýrnalısterge óziniń kóńil-kúıi týraly qysqasha áńgimelep bergen bolatyn.
«Men osyǵan deıin 94 keli salmaqta bolǵanmyn, qazir 67. Operasııaǵa deıin maǵan tynys alý óte qıynǵa soqty. Qoldarym men aıaqtarym qatty isti, men múldem qozǵala almadym. Biraq, otadan keıingi meniń jaǵdaıym jaqsardy»,- deıdi ol.
Jylyna 150-ge jýyq pasıent osyndaı operasııany qajet etedi. Operasııanyń quny óte joǵary. Bul birinshi klınıkalyq operasııa, sondyqtan qarjy jaǵy týraly aıtý áli qıyn. Bul tájirıbe emes, klınıkalyq engizý. Jasalǵan operasııa júıeniń óte turaqty ekenin kórsetti. Biz osy jobamen 10 jyl boıy birlesip jumys isteımiz», - deıdi dáriger Iý.Pıa.
Sondaı-aq, dáriger eń bastysy sapa ǵana emes, ómir súrý deńgeıin joǵarylatý ekenin aıtty.
Ulmeken ADAIHAN,
Eýrazııa ulttyq ýnıversıteti
