30 qańtar men 5 aqpan aralyǵynda «Barys» SK 2004-2005 j.t. jasóspirimder komandalary arasynda shaıbaly oıyndardan 4 jylda bir ret ótkiziletin jarystarǵa Shyǵys Qazaqstan, Qaraǵandy, Qostanaı, Almaty jáne Aqmola oblystarynan, sondaı-aq Astana, Almaty jáne Aqtóbe qalalarynan segiz qazaqstandyq komanda qatysty. Astana quramasynyń sapynda №10 astanalyq sport mektebiniń hokkeıshileri oınady. «Astana» komandasy qala men mekteptiń namysyn abyroımen qorǵap, jastar oıyndarynyń altyn medaline ıe boldy. Týrnır ıeleri 21 upaı jınap, qarsylastarynan ozyp shyqty. Aqtyq oıyndy Qaraǵandy oblysynyń komandasymen oınap, 3:2 esebimen aıaqtady.
«Oıyn joǵary deńgeıde ótti. Qarsylastardyń kóńil-kúıleri óte tamasha. Barlyǵynyń jeńiske degen talpynysy óte joǵary. Qysqy jastar oıyndarynda birinshi oryn men úshin de, búkil komanda úshin de, bizdiń mektep úshin de joǵary nátıje. Tórt jylda bir ret ótkizilip otyrǵan týrnırde oınaý biz úshin úlken qurmet. Sondyqtan da biz óz klýbymyzdy joǵary deńgeıge jetkizý úshin barynshatyrystyq, bul bizdiń jáne komandanyń jetistigi», - deıdi, «Astana» komandasynyń shabýylshysy Bogdan Petrochenko.
Shaıbaly hokkkeıden III qysqy jastar oıyndarynyń qorytyndysy boıynsha ekinshi oryndy Shyǵys Qazaqstan oblysynyń komandasy,al qola medaldi Qaraǵandy oblysynyń hokkeıshileri ıelendi.
