Zııatkerlik armııa jasaqtalady

Seısenbi, 2 qazan 2012 7:05

Áskerı qyzmet ótkerý – Otan-Ana aldyndaǵy abyroıly borysh. Kókte kók baıraǵymyzdy jelbiretip, táýelsizdigimizdi qorǵaý úshin, eń aldymen, aıbyny asqaqtaǵan armııa qajet. Kásibı sheberligi joǵary, rýhy myǵym, jigerli ásker ǵana eliniń senimin aqtap, jeriniń tynyshtyǵyn saqtaı alady.

Seısenbi, 2 qazan 2012 7:05

Áskerı qyzmet ótkerý – Otan-Ana aldyndaǵy abyroıly borysh. Kókte kók baıraǵymyzdy jelbiretip, táýelsizdigimizdi qorǵaý úshin, eń aldymen, aıbyny asqaqtaǵan armııa qajet. Kásibı sheberligi joǵary, rýhy myǵym, jigerli ásker ǵana eliniń senimin aqtap, jeriniń tynyshtyǵyn saqtaı alady.

Elbasy – Qazaqstan Respýb­lı­ka­sy qarýly Kúshteriniń  Jo­ǵarǵy Bas qol­bas­shysy Nursul­tan Nazarbaevtyń «Qazirgi álem­de sany kóp ar­mııalardyń qajeti shamaly. Yń­ǵaıly, utqyr, jaqsy jabdyq­tal­ǵan, ázirligi mol armııa kerek. Armııa halqymyz maqtana­tyndaı bol­syn. Armııamyzdyń bedelin arttyra túseıik», degen sózi qaı ýaqytta da ózektiligin joǵaltpaq emes.

Qazaqstan Respýblıkasynyń Qor­ǵanys mınıstri Ádilbek Jaq­sybekovtiń nusqaýymen egemen elimizdiń qorǵanysyn arttyrýda eleýli jumystar atqarylýda. So­nyń biregeıi – zapastaǵy ofı­ser­lerdi kelisim-shart boıynsha ásker qataryna tartý. Bul oraıda Qor­ǵanys mınıstrliginiń apparaty úgitteý-nasıhattaý jumysta­ryn qol­ǵa aldy. Bıylǵy jyldyń sáýir aıynan bastap Qorǵanys mınıs­trliginiń Kadrlar depar­tamenti Qazaqstan Respýblıkasy Qarýly Kúshterin jasaqtaýdyń ja­ńa júıe­sin qoldanysqa engi­zýde. AQSh, Ulybrıtanııa, Fransııa syndy aldyńǵy qatarly damyǵan memleketterden bastaý alǵan bul júıe otandyq armııany osy júıege saı jasaqtaýǵa túrtki boldy.

Bul júıe qazaqstandyq armııa­ny jasaqtaýda zapastaǵy ofıserler arasynan kásibı dárejesi jo­ǵary, densaýlyǵy myqty, óz Ota­nynyń naǵyz patrıottaryn irik­teýge, ári áskerı ataqty maq­tanysh­pen alyp júrýge laıyq ofıserler quramymen tolyq­ty­rýǵa múmkindik beredi. Batys el­deriniń tájirı­belerin saralaı otyryp, Keńes ókimetinen qalǵan eski júıeni taratyp, jańa zaman­ǵa saı jańa bastamany laıyq dep tanydyq. Jańa júıeniń erek­sheligi:

1) qujattardy qaraý jáne re­simdeý merzimi qysqarady;

2) áskerge shaqyrý úrdisi or­talyqtandyrylady;

3) qujattarmen jumys isteýde zamanaýı tehnologııalar qolda­nylady;

4) sybaılas jemqorlyqqa jol bermeý, basqa da basymdyqtar qarastyrylady.

Memleket kelisim-shart boıynsha áskerı qyzmetke qabylda­natyn azamattardy turǵyn úımen qamtamasyz etýge, jaldap turǵan jaǵdaıda járdemaqy taǵaıyn­daýǵa kepildik beredi. Áskerı qyz­metshilerdiń balalaryna tur­ǵylyqty jeri boıynsha mektep jasyna deıingi mekemelerden kezekten tys oryn bólinedi. Áskerı qyzmetshi men onyń otbasy úshin medısınalyq qyzmet kórsetý mem­leket qarajaty esebinen jú­zege asyrylady. Sondaı-aq, memleket esebinen kıim-keshekpen qamtamasyz etiledi, qyzmeti boıynsha aýysqanda, áskerı qyzmet­ten shyǵarylǵan jaǵdaıda júgin tasymaldaýǵa, em qabyldaý stasıonaryna barǵanda jáne keri qaıtý jolynyń qarajaty óte­le­di. Kelisim-shart boıynsha áskerı qyzmet ótkerýshiler úshin 2 aı­lyq jalaqy mólsherindegi saýyq­tyrý tólemaqysymen qosa, 40 kúnge deıingi jyl saıynǵy ke­zekti demalys beriledi. Qazaqstan Respýbıkasynyń zańnamalyq ak­tilerinde kózdelgen tártippen jyl saıynǵy negizgi demalystan basqa da qosymsha demalystar usynylady. Qajet bolǵan jaǵ­daıda syrqaty boıynsha jáne otbasy jaǵdaıyna baılanysty demalys alýǵa da quqyly.

Qazirgi ýaqytta Qorǵanys mı­nıstrliginiń Kadrlar departa­menti Qarýly Kúshterdi jasaq­taýdyń jańa júıesiniń praktı­ka­lyq kezeńin jalǵastyrýda. Eli­mizdiń barlyq aýmaǵyn qamtıtyn bul is-sharalar keıbir jerlerde óz máresine jetip úlgerdi. Ás­ke­rı qyzmet ótkerýge nıet bildi­rýshilerdiń jalpy sany – 635. Onyń ishinde Almaty qalasy men Almaty oblysynda 30 shilde – 11 tamyz aralyǵynda ótkizildi. 255 kandıdattyń ishinen 126 adam irikteldi. Ońtústik Qazaqstan, Qyzylorda jáne Jambyl oblys­tarynda 20-31 tamyz araly­ǵynda júrgizildi. 380 kandı­dat­tyń ishi­nen 194 adam irikteldi. Astana já­ne Qaraǵandy qala­la­ry boıynsha 10-16 qyrkúıek ara­ly­ǵyn­da irikteýden ótken kan­dı­dat­tar­dyń jalpy sany – 232.

Irikteý komıssııasy kandıdattardy medısınalyq tekserýden, psıhologııalyq testileýden, dene daıyndyǵy boıynsha synaqtan ótkizý jáne normatıvtik-qu­qyq­tyq aktiler men basshylyqqa aly­natyn negizgi qujattardy bi­lýin tekserý arqyly tańdaıdy.

Bekitilgen kestege sáıkes irikteý is-sharalary 4 óńirde ót­ki­zilýge josparlanǵan: birinshisi 1-6 qazan aralyǵynda – Aqmola, Soltústik Qazaqstan jáne Qosta­naı oblystary úshin Kókshetaý qalasynda ótse, ekinshisi 15-20 qazanda Shyǵys Qazaqstan jáne Pavlodar oblystary boıynsha О́skemen qalasynda; odan keıin­gisi 29 qazan men 3 qarasha ara­lyǵynda Atyraý men Mańǵystaý oblystary úshin ortalyǵy – Atyraý qalasy; al sońǵysy 5-10 qarashada Batys Qazaqstan jáne Aqtóbe oblystary boıynsha Oral qalasynda ótkizilmek.

Kelisim-shart boıynsha ásker qataryna ótýge nıet bildirý­shi­ler óz óńiri boıynsha is-shara­larǵa úl­germegen jaǵdaıda, ótki­zilý jos­parlanǵan jerlerge baryp óti­nish berýge bolady. Jáne bul shara jyl saıyn jalǵasyn tappaq.

Bul júıe boıynsha ásker qa­ta­ryna kirýge nıet bildirýshiler turǵylyqty jeriniń qorǵanys isteri jónindegi bólimderine (ás­kerı komısarıattar) qajetti qu­jattaryn ótkizedi. Sonymen qa­tar, Kadrlar departamentiniń saı­tyna tirkelý arqyly óz qu­jattarynyń baqylaýǵa alynǵa­nyn bile alady.

Qazaqstandyq ozyq oıly, jo­ǵary bilimdi ári tájirıbeli zııat­kerlik armııany jasaqtaý – bizdiń basty mindetimiz. Zamanaýı ás­kerı tehnıkamen jabdyqtalǵan, sonymen qatar, aqyl-oıy men erik-jigeri myqty ásker ǵana halqyn qorǵaı alatyny anyq.

Talǵat MUHTAROV,

Qazaqstan Respýblıkasy

Qorǵanys mınıstrligi Kadrlar

departamentiniń bastyǵy, ádilet polkovnıgi.