Baqyt qushaǵyndaǵy jandarmyz

Beısenbi, 15 naýryz 2012 7:27

Qazaq qyzymen otbasy shýaǵyna bólengen armıan jigiti Georgıı MARGARIаNNYŃ júrekjardy pikiri osyndaı

Georgıı Margarıan – Sarchaped dep atalatyn aýylda ómirge kelgen armıan jigiti. Sol aýylda máýeli báıterekteı japyraq jaı­ǵan Abram qarııanyń otbasyndaǵy 9 balanyń biri. Ká­me­let­ke tolysymen eńbekke aralasqan. Ákesinen usta­lyq ónerdiń, qury­lys jumystaryn júrgizýdiń qyr-syryna qanyǵa jú­rip, ózindik qoltańbasyn da qa­lyp­tastyrǵan. Ákesi­niń «Adal eńbekpen tapqan nan­nyń táttiligi tań­daıyńnan ketpeıdi» dep udaıy aıtatyn ósıetin áli kúnge jadynan shyǵarmaı keledi. Muny ákesiniń amanaty dep túsinedi. Kindik qany tamǵan aýylynan, tálim-tárbıe alǵan otbasynan alys­qa uzap shyq­qan­da da sol amanatqa adal bolýdy maqsat tutty.

Beısenbi, 15 naýryz 2012 7:27

Qazaq qyzymen otbasy shýaǵyna bólengen armıan jigiti Georgıı MARGARIаNNYŃ júrekjardy pikiri osyndaı

Georgıı Margarıan – Sarchaped dep atalatyn aýylda ómirge kelgen armıan jigiti. Sol aýylda máýeli báıterekteı japyraq jaı­ǵan Abram qarııanyń otbasyndaǵy 9 balanyń biri. Ká­me­let­ke tolysymen eńbekke aralasqan. Ákesinen usta­lyq ónerdiń, qury­lys jumystaryn júrgizýdiń qyr-syryna qanyǵa jú­rip, ózindik qoltańbasyn da qa­lyp­tastyrǵan. Ákesi­niń «Adal eńbekpen tapqan nan­nyń táttiligi tań­daıyńnan ketpeıdi» dep udaıy aıtatyn ósıetin áli kúnge jadynan shyǵarmaı keledi. Muny ákesiniń amanaty dep túsinedi. Kindik qany tamǵan aýylynan, tálim-tárbıe alǵan otbasynan alys­qa uzap shyq­qan­da da sol amanatqa adal bolýdy maqsat tutty.

– Sekseninshi jyldardyń ortasynda aǵammen bir­ge Reseıdiń Kostroma oblysynda jumys jasadym. Sol kezde ákemniń aıtqan sózderin jadymnan shy­ǵar­ǵan emespin. Adal jumys jasaýdy oıladym.  Kostromanyń, ásirese, Sharıa qalasynyń tabıǵaty da, klımaty da tez úırene qoıatyndaı emes. Osy qalada jastyqtyń jarqyn kún­deri ótti. Kóp dostar taptym. Kóp ulttyń ókilderi­men tanystym. Sonyń ishinen qazaq qyzy Gúlaıym­men tanystyǵym dostyqqa ulasty. Bálkim, bizdi taǵdyr tabystyrǵan shyǵar – dep ótken kúnderin erek­she bir saǵynysh­pen eske alady Georgıı Margarıan.

Atyraý topyraǵynan nár alǵan, Mádendeı ákeniń otbasyndaǵy 6 uldyń ortasynda qos gúldiń birin­deı bolyp jelkildeı ósken Gúlaıymnyń Sharıa qala­syna kelýiniń ózindik sebebi bar. Gúlaıym mektep bitirisimen medbıke bolsam degen arman jete­gi­men Atyraýdaǵy medýchılıshege qujatyn ótkizedi. Emtı­han­nyń bárin jaqsy baǵaǵa tapsyrǵanmen, konkýrstan súrinedi. Durysyn aıtqanda, ony ádeıi sú­rin­diredi. Ne isteý kerek? Bala kúninen ákesiniń aıt­qanyn eki etpeıtin edi. Bul joly da aıaýly ákesiniń keńesine qarsy bolmady. Sóıtip, ákesimen birge Kos­t­romadaǵy qurylys ınstıtýtyna qujat tapsyrmaq maq­satpen buryn kórmegen beıtanys qalaǵa jol tartty. Alaıda, oqý ornyna keshigip jetti. Tek ınstıtýt rek­tory­nyń: «Qujat qabyldaýdyń merzimi aıaqtal­dy. Qyzyńyzdyń attestattaǵy baǵalary jaqsy eken. Daıyndyq bóliminde oqysyn, ınstıtýttyń zerthanasyna jumysqa ornalastyramyn», degenin ákesi de, ózi de kóńilge medeý tutady. Osylaısha, Kostromada Gúlaıymnyń stýdenttik kúnderi bastalǵan edi.

– Instıtýtta jaqsy oqydym. Mektepte qazaqsha oqy­­­sam da, ınstıtýtta úshtik alyp kórmeppin. Túrli syz­­­balardy syzýǵa da sheber edim. Báribir kóńilim me­dı­­sınaǵa aýa berdi. Instıtýttyń sońǵy kýrsyn bit­i­rý­ge jarty jyl qalǵanda oqýdy tastadym. Gazetten Sharıa qalasyndaǵy medýchılıshege qujat qa­byldap jat­qanyn oqyp, soǵan barýdy uıǵardym, – deıdi Georgıı­diń jary Gúlaıym Margarıan. – Kim biledi, taǵdyr meni Georgıımen tabystyrý úshin Sharıaǵa barýǵa burǵan shyǵar?

Iá, biri Armenııadan, ekinshisi Qazaqstannan kelgen eki jas osy qalada tanysty. Gúlaıym osy qala­daǵy medýchılıshege emtıhansyz qabyldanǵan edi. Al Georgıı qurylysta jumys jasap júrdi. Bir-birin unatqan qos ǵashyqtyń dostyǵy mahabbatqa ulasty. Sóıtip, ekeýiniń nekesi 1987 jyly dál osy Sharıa qalasynda qıyldy. Ekeýi de áli kúnge Sharıa qalasyn saǵynyshpen eske alady. «Sharıa – biz úshin balaýsa mahabbatymyz bastaý al­ǵan, úlken ómirge birge qadam basqan qala» deıdi 25 jylǵa jýyq juby jazylmaǵan Georgıı men Gúlaıym.

– Ár ata-ana balasynyń abyroıly, baqytty bol­ǵanyn qalaıdy. Múmkin bolsa, óz ultynyń qyzymen, ne jigitimen bas qosqanyn qup kóredi. Biraq, júrekke ámir júrmeıdi ǵoı. Gúlaıym ıbalyǵymen, tárbıe­ligi­men, erekshe bir qylyǵymen baýrap aldy, – deıdi Georgıı. – Ákeme qazaq qyzyna úılenetinimdi aıttym. Ákem – áriden oılaıtyn erekshe jan. Anam da sondaı. «Ulym, dedi ákem. Eger ekeýiń bir-birińmen tatý bolsańdar, bir-birińdi júrekterińmen uǵyna al­sańdar, qarsylyǵym joq. Onyń ata-anasyn, baýyrlaryn, elin syılaýyń qajet. Osy aıtqanymdy esiń­de ustap, meni uıatqa qaldyrmaıtyn bolsań, seniń talabyńdy qoldaımyn» dedi arqamnan qaǵyp. Ne­ke­mizdi Sharıada qıdyryp, sol qalada jastar toıyn ja­sa­dyq. Bizdiń otbasymyzda 7 qyz, 2 ul bar. Áke-sheshem Gúlaıymdy segizinshi qyzy retinde qabyldady.

Gúlaıymnyń aıtýynsha, Máden qarııa da bala­lary­nyń talabyn udaıy qoldap otyrady eken. A­l­ǵashynda armıan jigitimen turmys qurmaqqa bekin­gen Gúlaıymnyń ýájin únsiz tyńdapty. Árıne, anasy qazaqtyń bir jigitine jolyǵarsyń degen ǵoı. Kish­kene kúninen janyna jaqyn tartqan ákesi eki kúnnen soń «Aınalaıyn, qyzym, adamnyń taǵdyrymen oı­naý­ǵa bolmaıdy. Baǵyńdy baılaýǵa haqym joq. О́z­deriń solaı uıǵarsańdar, senderdiń baqytty otbasy bolýlaryńa tilekshimin» dep batasyn berip, qyzy­nyń mańdaıynan súıipti.

Qazir Georgıı men Gúlaıym Atyraý qalasynda tu­ra­dy. Ras, 1995 jyly Georgııdiń týǵan aýyly – Sar­chapedte turdy. Ekeýi de sonda jumysqa ornalasty. О́mirge ińgálap uly Arýtıon, qyzy Sıýzanna keldi. Qos náresteniń byldyr-byldyr tili, táı-táı qadamy Georgııdiń ata-anasynyń kóńilin kóterip, qýanyshyn ulǵaıtypty. «Atam da, enem de meniń atymdy eshqa­shan ataǵan emes. Únemi «qyzym» dep otyrady. Enem 1996 jyly ómirden ótti. Sol kisige qurmetimizdiń bel­gi­si retinde kishi qyzymyzdy ájesiniń atymen Sobınar dep atadyq. Al atam 84 jasta. Sońǵy jyldary Geor­gııdiń aýylyna barǵan saıyn atam «Nazar­baev­tyń qyzy keldi» dep iltıpat bildirip otyrady. «Qa­zaq­stannyń Prezıdenti Nursultan Nazarbaev qazaq­tyń baǵyna týǵan adam ǵoı. Ol Qazaqstandy, qazaqty álemge tanytty. Barlyq elde ol týraly tek jaqsy pikir aıtylady. Ol jaıynda tek jaqsy sóz estımiz. Solaı bola bersin!» dep otyrady erekshe bir tol­qy­nyspen. Qazaqstan týraly, bizdiń Prezıdentimiz týraly osyndaı jyly sóz estigende, kóńilim bir mar­qaıyp qalady», deıdi Gúlaıym Armenııaǵa barǵan saparynan syr tarqatyp. Margarıannyń otbasynda bir ul, eki qyz jelkildep ósip keledi. Úlkeni – Arýtıon, Atyraý munaı jáne gaz ınstıtýtyn úzdik bitirgen maman. Bul kúnderi Kaspıı teńizindegi «Qashaǵan» keni­shin ıgerýge atsalysyp jatyr. Al Sıýzanna – Atyraý munaı jáne gaz ınstıtýtynyń IV kýrs stýdenti. Kishi qyzy Sobınar aǵylshyn tilin tereńdetip oqyta­tyn teh­­nıkalyq gımnazııada oqıdy. Bir ereksheligi, Geor­gııdiń balalarynyń bári de qazaq tilin meń­ger­gen. Bári de qazaqsha sóıleıdi, tipti án de aıtady. Al Sobınar qazaq tili men ádebıeti pán­derine eshkimniń kómeginsiz daıyndalady eken. Aıt­qan­daı, Georgııdiń óziniń de qa­zaqshadan «birqaq­paıy» bar. Keıde ándetip jibe­re­tini bar. Georgıı «QazTransOılda» kólik júrgizedi, al Gú­l­aıym kómek suraǵandarǵa zańdyq keńes beredi. Gúl­aıym da armıan tilinde erkin sóıleı alady.

– Meniń otbasymnyń Qazaqstanda turǵanyna 20 jylǵa jýyqtady. Onyń ústine qazaqqa kúıeý balamyn ǵoı. Gúlaıymǵa úılengende, onyń ata-anasy, baýyrlary men aǵaıyndary keýdemnen ıtergen joq. Kerisinshe, meni jyly shyraımen qabyldady. Qazaq­tyń keńpeıilin kórsetti. Qonaqjaı ekenin tanytty. Qazir turaqty jumysym bar. Osynda baspana da bar. Atyraý munaı jáne gaz ınstıtýtyn syrttaı bitirip aldym. Demek, meniń ekinshi mamandyǵym bar. Gúl­baný­men shańyraq kótergenimizge keler jyly shırek ǵasyr bolady. Az ba, kóp pe, bilmeımin, biraq biz – baqytty jan­darmyz! Bizge elimizdiń tynysh­tyǵy­nan, otba­sy­nyń baqytynan, balalarymyzdyń alańsyz bilim alyp, jumysqa ornalasqanynan basqa eshteńe qajet emes, –deıdi qazaq qyzy Gúlbanýmen birge otbasy shýaǵyna bólengen armıan ultynyń ókili Georgıı Margarıan.

Joldasbek ShО́PEǴUL.

Atyraý oblysy.