Jalyndaǵan jas qaırat
Beısenbi, 19 sáýir 2012 8:11
«Bolashaq búginnen bastalady» atty jalpyrespýblıkalyq aksııa aıasynda ál-Farabı atyndaǵy Qazaq ulttyq ýnıversıtetinde senbilik ótti. Aýmaǵy 70 gektardan asatyn ýnıversıtettik kampýs aımaǵyn tazartý jáne jınaý jumysyna atalmysh oqý ornynyń basshylyǵy, oqytýshylar quramy men stýdentter, qyzmetkerler – barlyǵy 17 myńnan astam adam qatysty.
Beısenbi, 19 sáýir 2012 8:11
«Bolashaq búginnen bastalady» atty jalpyrespýblıkalyq aksııa aıasynda ál-Farabı atyndaǵy Qazaq ulttyq ýnıversıtetinde senbilik ótti. Aýmaǵy 70 gektardan asatyn ýnıversıtettik kampýs aımaǵyn tazartý jáne jınaý jumysyna atalmysh oqý ornynyń basshylyǵy, oqytýshylar quramy men stýdentter, qyzmetkerler – barlyǵy 17 myńnan astam adam qatysty.
Senbilikke qatysýshylar oqý korpýsy men jataqhanalar mańyn aram shópterden tazartyp, aǵashtardy áktedi, gúlder, jas shybyqtar otyrǵyzdy, qoqystardy arnaıy tehnıka kómegimen qoqys alańyna jóneltti. Senbilik uıymdasqan túrde jáne óte jaǵymdy kóńil kúıde ótkizildi.
QazUÝ stýdentteri, ýnıversıtettiń jastar uıymdary komıteti elimizdiń Jastar kongresi bastamasyna ún qosyp, «Bolashaq búginnen bastalady» aksııasyna qoldaý tanytyp otyr. Qoldaý sharasy aıasynda QazUÝ Stýdentter senaty salamatty ómir saltyn nasıhattaý jolynda jastardy dene shynyqtyrýmen aınalysýǵa jáne sportqa tartý maqsatynda shaǵyn fýtboldan stýdenttik toptar arasynda qalalyq týrnır ótkizýdi bastap ketti.
Budan basqa, ýnıversıtettiń «Kómek» stýdenttik volonterlar uıymy qaıyrymdylyq jármeńkesin ótkizip, onda múgedek balalardyń jasaǵan qolóner buıymdary qoıyldy.
Jármeńkeden túsken qarjyny Qaskeleńdegi balalar úıine, qalalyq ınternatta tárbıelenýshilerge, «SOS» balalar aýylyna tabystaıtyn bolady.
Qazirgi kezde jastardy osyndaı jumystardyń barynsha kóp bolǵany memleket úshin de, jastardyń ózderi úshin de kerek. О́ıtkeni, mundaı eńbekke baýlyp, qorshaǵan ortany qorǵaýǵa úndeıtin sharalar jastardy bolashaqta ortaq isterge biriktiretini sózsiz. Búginde memleket tarapynan jastarǵa qoldaý kórsetilip otyrǵany belgili. Sondyqtan, jastar senbilik sııaqty tárbıelik jumystar arqyly «men elimnen ne alamyn» dep emes, «men elime ne beremin» degen oımen Otanymyzǵa qyzmet etýleri kerek. Al memlekettiń jastarǵa qoldaý-kómegine kelsek, máselen Almaty qalasynda jyl saıyn jastardy jumyspen jáne baspanamen qamtamasyz etý máselesi kóteriletinin, memlekettik baǵdarlamalar boıynsha olardy jumyspen jáne jataqhanamen qamtý máselesi sheshilip jatqanyn, sonyń bir dáleli retinde «Alataý» aýdanynda jańadan stýdent-jastarǵa arnalyp jataqhanalardyń salynatynyn aıta ketken jón. Osyǵan baılanysty qalalyq Jastar saıasaty basqarmasynyń bastyǵy Baqtııar Máken Almatyda jasalyp jatqan jumystar basqa oblystarda da júrgizilse degen nıetin bildirdi.
Jalpy, búginde elimizde 16 men 29 jas aralyǵyndaǵy 4,5 mln. jas turady eken. Qazaqstan jastar Kongresiniń atqarýshy dırektory Shahmardan Baımanovtyń aıtýynsha, osy kúnderi stýdentterdi jataqhanamen, jas otbasylardy baspanamen qamtamasyz etý, oqý oryndaryna túsý úshin granttardy kóbeıtý, oqý bitirgen túlekterdi jumyspen qamtamasyz etý, jastardyń ǵylymmen aınalysýyna keń múmkindik berý, dene tárbıesi jáne sportpen aınalysýyna jaǵdaı jasaý sııaqty kókeıkesti máseleler kóterilýde.
Qanat ESKENDIR,
Almaty.
