Poıyzǵa el rıza
Beısenbi, 17 mamyr 2012 7:45
Dárigerler qabyldaýyna kelgen halyq kóp
«Salamatty Qazaqstan» poıyzynyń elimiz oblystaryna shyǵyp, turǵyndardyń densaýlyǵyn tekserý jumystaryn bastaǵanyna birshama ýaqyt boldy. Sáýirdiń ortasynda poıyzdy Esil stansasynan kútip alyp, bizdiń dárigerler jumys estafetasyn qolyna alǵan bolatyn. Qostanaılyq dárigerler sodan beri poıyz ústinde. Esilden Qostanaı oblysynyń Sarykól eldi mekenine jetkenge deıin «Salamatty Qazaqstan» poıyzy 13 stansaǵa toqtaıdy eken. Qazir dárigerler Jarkól stansasynda turǵyndarǵa qyzmet kórsetýde. Tek Jarkól emes, sol aınaladaǵy aýyl men selo turǵyndarynyń taıly-taıaǵyna deıin «dońǵalaqty emhanaǵa» keldi.
Beısenbi, 17 mamyr 2012 7:45
Dárigerler qabyldaýyna kelgen halyq kóp
«Salamatty Qazaqstan» poıyzynyń elimiz oblystaryna shyǵyp, turǵyndardyń densaýlyǵyn tekserý jumystaryn bastaǵanyna birshama ýaqyt boldy. Sáýirdiń ortasynda poıyzdy Esil stansasynan kútip alyp, bizdiń dárigerler jumys estafetasyn qolyna alǵan bolatyn. Qostanaılyq dárigerler sodan beri poıyz ústinde. Esilden Qostanaı oblysynyń Sarykól eldi mekenine jetkenge deıin «Salamatty Qazaqstan» poıyzy 13 stansaǵa toqtaıdy eken. Qazir dárigerler Jarkól stansasynda turǵyndarǵa qyzmet kórsetýde. Tek Jarkól emes, sol aınaladaǵy aýyl men selo turǵyndarynyń taıly-taıaǵyna deıin «dońǵalaqty emhanaǵa» keldi. «Salamatty Qazaqstan» poıyzynda jabdyqtalǵan medısınalyq quraldar aýyldy jerlerdegi FAP-tar túgili aýrýhanalardyń ózinen tabyla bermeıdi, eger bar bolsa ony júzege asyratyn maman joq. Al jyljymaly emhana turǵyndarǵa ári jan-jaqty medısınalyq tekseristen ótýge ári ony jedel atqarýǵa óte qolaılyǵyn kórsetti. Jarkólden bizge habarlasqan dárigerler densaýlyǵyn teksertýge kelgen turǵyndardyń óte kóp, kezektiń uzaq ekenin aıtyp otyr.
Bizdiń aýrýhana dárigerleri «Salamatty Qazaqstan» poıyzymen munyń aldynda da saparǵa shyqqan bolatyn. Sondyqtan olardyń «jyljymaly emhana» jaǵdaıynda jergilikti turǵyndarǵa medısınalyq qyzmet kórsetýde tájirıbesi de molyǵyp keledi.
Qazir poıyzda barlyǵyn qosqanda 25 dáriger men mamandar qyzmet kórsetýde. Jaqynda qaralýǵa kelgen bir áıel poıyzdan birden aýrýhanaǵa jóneltildi, oǵan osynda jedel operasııa jasaldy. Al qanshama adamdardyń osy kezge deıin baıqalmaı kelgen syrqattaryn anyqtap, olar emdik shara alýdy da bastap ketti.
Jyljymaly mundaı medısınalyq qyzmettiń artyqshylyǵy kóp ekenin dárigerler de, jurtshylyq ta túsindi. Ol úshin halyqtyń alǵysy erekshe. Derjavın stansasynan Jarkólge deıin dárigerlerdiń qabyldaýynda 4897 adam bolǵan, onyń arasynda 506 bala bar. Aýyl adamdary ÝZI, rentgen apparattarynan, laboratorııalyq tekseristen ótkenine qýanyshty. Ádette, ÝZI-den ótý úshin keıde kisiniń bir kún ýaqyty ketedi. Al poıyzda ár adam sanaýly saǵattyń ishinde medısınalyq barlyq tekseristen óte alady.
«Salamatty Qazaqstan» medısınalyq kómek poıyzy halqymyzdyń myqty, memleketimizdiń kúshti bolýy úshin jasalyp jatqan ıgi sharalardyń biri ekeni daýsyz.
Endi aldaǵy bir-eki kúnde «Salamatty Qazaqstan» oblystyń Saryól aýdanyndaǵy osy attas stansasyna keledi. Onda dárigerler eki kún damyl tappaı jumys isteıtin bolady. Tıimdiligi mol jyljymaly emhanany onda da turǵyndar asyǵa kútip otyr.
Qarataı JAISAŃBAEV,
Qostanaı temir joly aýrýhanasynyń bas dárigeri.
Qostanaı.
