«5 óńirde turǵyn úılerdi paıdalanýǵa berý qarqyny tómendegen. Olar: Astana qalasy (-35,2%), Pavlodar (-52,3%), Shyǵys Qazaqstan (-47%), Batys Qazaqstan (-40,6%) jáne Aqmola (-5,2%) oblystary. Astana jáne Almaty qalalarynda Úkimettiń jasaǵan memorandýmdary aıasynda turǵyn úıdi paıdalanýǵa berýdiń josparly kórsetkishteri 1,2 mln sharshy metrge azaıdy. Bul «Nurly jer» memlekettik baǵdarlamasynyń jyl saıynǵy maqsatty ındıkatoryna qol jetkizýge áser etýi múmkin» dedi Roman Sklıar.
Sondaı-aq ol atalǵan óńirlerge qurylys qarqynyn kúsheıtý qajet ekenin atap ótti.
«Jappaı turǵyn úı qurylysy júrip jatqan aýdandarǵa ınjenerlik jelilerdi salý úshin bıyl 81,7 mlrd teńge bólý qarastyrylyp otyr. О́ńirlerdi qarjylandyrýdy bastap kettik» dedi ol.
Mınıstrliktiń aqparatyna súıensek, osy aıdan bastap qarjylandyrý jospary boıynsha óńirlerge 4,8 mlrd teńge aýdarylǵan.
