Sapar aıasynda Pavlodar oblysynyń ákimi Bolat Baqaýovpen kezdesýinde Tuńǵysh Prezıdent qory atqarýshy dırektorynyń orynbasary Igor Rogov qordyń qyzmeti týraly aıtyp berdi.
– Biz jylyna 100-ge jýyq joba ótkizemiz. Olar adamı kapıtaldyń jınaqtalýyna, básekelestigin joǵarylatýǵa jáne qazaqstandyqtardyń jańa generasııasyn qalyptastyrýǵa baǵyttalǵan. Biz ǵylym, mádenıet jáne ınnovasııanyń damýyna qyzyǵýshylyq tanytatyn jas daryndarǵa kómektesemiz. Bul baǵyttardyń barlyǵy Qazaqstan Prezıdenti Nursultan Nazarbaevtyń Jastar jylynyń ashylý barysynda aıtqan ıdeıalarymen jáne qoıylǵan mindettermen sáıkes keledi, – dedi I.Rogov.
Taraptar jastardy qoldaý maqsatynda qarym-qatynasty nyǵaıtýǵa jáne ynty-
maqtastyqty qalyptastyrýǵa kelisti.
Kezdesý sońynda qor atynan «Jastardyń bastamalaryn damytý ortalyǵyna» kompıýterlik quraldar alý úshin 3 mln teńge kólemindegi sertıfıkat tabystaldy.
Resmı kezdesýden soń S.Toraıǵyrov atyndaǵy Pavlodar memlekettik ýnıversıtetinde jastarmen kezdesý uıymdastyryldy.
Sonymen qatar qor qonaqtaryna «Astana – Uly dalanyń jaýhary» fotokórmesi tanystyryldy, al klassıka ónerine qushtar qaýymǵa qordyń laýreattary Naýryz merekesine arnalǵan konsert berdi.
Jalpy, Qazaqstannyń Tuńǵysh Prezıdenti – Elbasy qorynyń kúnderin oblystarda ótkizý dástúrge aınaldy. Jastar jylyn Elbasy qory Pavlodar oblysynan bastady. Bul qor ókilderi at basyn tiregen segizinshi aımaq.
Farıda BYQAI,
«Egemen Qazaqstan»
Pavlodar
