«Keshe naýryzdyń 19-y kúni barsha álem jurtshylyǵy asa mańyzdy tarıhı oqıǵaǵa kýá boldy. Qazaq memlekettiliginiń negizin qalaýshy, uly tulǵa, Qazaqstan Respýblıkasynyń Tuńǵysh Prezıdenti Nursultan Nazarbaev óz erkimen Memleket basshysy ókilettigin tapsyrdy. Elbasynyń bul jigerli sheshimi onyń jahandyq deńgeıdegi jáne tarıhı aǵymdaǵy saıası qaıratker retinde ulylyǵyn kórsetti» dedi Qasym-Jomart Toqaev.
Ol bizdiń qol jetkizgen jetistikterimiz, Qazaqstan Respýblıkasynyń kıeli táýelsizdigi N.Nazarbaevtyń qajyrly eńbeginiń arqasynda múmkin bolǵanyn aıtty. Elbasy Keńes Odaǵynyń kúıregen qaldyqtary ǵana qalǵan kúrdeli geosaıası jaǵdaıda jańa memlekettiń irgesin qalady jáne onyń kóshin bastaǵanyn basa aıtty.
«Kóptegen teris boljamǵa qaramastan memleketti barsha álem moıyndaǵan tabystarǵa jetkizdi. Dúnıejúzi kartasynda qarqyndy damý, demokratııa, kelisim men beıbit ómirdiń shynaıy sımvolyna aınalǵan memleket paıda boldy» dedi ol.
