Assambleıa alańdaryndaǵy is-sharalar aýqymy keń

Seısenbi, 2 qazan 2012 6:40

Qazaqstan Respýblıkasynyń delegasııasy Nıý-Iorkte ótip jatqan BUU Bas Assambleıasynyń 67-shi sessııasynyń is-sharalaryna qatysýyn jalǵastyrýda.

Seısenbi, 2 qazan 2012 6:40

Qazaqstan Respýblıkasynyń delegasııasy Nıý-Iorkte ótip jatqan BUU Bas Assambleıasynyń 67-shi sessııasynyń is-sharalaryna qatysýyn jalǵastyrýda.

Syrtqy ister mınıstriniń orynbasary Qaırat Omarov teńizge shyǵar joly joq damýshy elder toptarynyń 11-shi mı­nıstrlik kezdesýinde sóz sóıledi. 2003 jyly qabyldanǵan Almaty is-shara baǵdar­lamasyn iske asyrý jumysynda aıtarlyq­taı ilgerileýshilik bar ekeni qanaǵatpen atap ótildi. Teńizge shyǵar joly joq elderdiń múddelerin shynymen qorǵaıtyn, zańdy túrde mindetteıtin jahandyq jáne aımaqtyq quraldardy jasap shyǵarý men qabyldaý qajettigi atap kórsetildi.

Qazaqstandyq vıse-mınıstr sondaı-aq óz sózinde Qazaqstan avtomobıl jáne te­mirjol kólikterin jańǵyrtý, kólik sala­­syndaǵy qujat aınalymyn avtomattandyrý jóninde sharalar qabyldap jatqanyn atap ótti. Elimizdiń eýrazııalyq kólik ın­fraqurylymyn damytýǵa jáne, sáıke­sin­she, teńizge shyǵar joly joq aımaq elde­riniń tranzıttik-kóliktik, sonymen qatar, saýda-eksporttyq áleýetin damytýǵa ba­ryn­­sha úles qosýǵa nıetti ekeni de aıtyldy.

BUU Bas hatshysynyń bastamasymen uıymdastyrylǵan taǵam salasyndaǵy qyz­met aýqymyn keńeıtý jónindegi jo­ǵary deńgeıdegi kezdesýde asharshylyq­pen kúres jáne azyq-túlik qaýipsizdigin qamtamasyz etý máseleleri qarastyryl­dy. Qazaqstandyq delegasııa ókiliniń sóılegen sózinde el Úkimetiniń halyqtyń ómir súrý sapasyn arttyrýǵa, azyq-túlik qaýipsiz­di­gin qamtamasyz etýge, agrarlyq sektordy damytýǵa, «Salamatty Qazaq­stan» densaý­lyq saqtaý baǵdarlamasyn júzege asyrýǵa salyp otyrǵan kúsh-ji­geri ataldy. Bıdaı jáne un ónimderin ón­dirý men eksporttaý boıynsha álemniń al­dyńǵy qatarly eli bolyp sanalatyn Qazaqstannyń jahandyq azyq-túlik qa­ýip­sizdigin qamtamasyz etýge óz úlesin qosýǵa atsalysyp kele jatqany atap kórsetildi.

Bas Assambleıa sessııasy alańdarynda qazaqstandyq delegasııa birqatar eki­jaq­­ty kezdesýler men konsýltasııalar ót­ki­zip, onda yntymaqtastyqtyń ózekti má­se­leleri, sonymen qatar, «EKSPO – 2017» Halyqaralyq kórmesin ótkizýge Astana kandıdatýrasyn ilgeriletý bolashaǵy talqyǵa salyndy. Sondaı-aq, elimiz delegasııasy Túrkitildes memleketter ynty­maq­tastyǵy keńesine, AQSh syrtqy saıasat assosıasııasy kóshbasshylarynyń forýmyna qatysty.

«Egemen-aqparat».