Izgi tilek pen jalyndy urandardyń sońy merekelik konsertke ulasty. Saıabaqtaǵy keshtiń sánin jetisýlyqtardy quttyqtaýǵa kelgen estrada ánshileri kirgizdi. Mádına Sádýaqasova, Tóreǵalı Tóreáli, Janar Duǵalova, Álı Oqapov sııaqty tanymal ónerpazdar jáne «Altynaı», «Gores» bı ansamblderiniń ónerin jınalǵandar jyly qabyldady. Kóńildiń keshtiń sońy túngi otshashýǵa ulasty.
Astana qalasynyń atyn «Nur-«Sultan» ataýyna aýystyrylýyn qoldaýshylar arasynda jastar legi kóp eken. Jetisýlyq jas urpaq ókilderi Prezıdent Qasym-Jomart Toqaevtyń elorda ataýyn Nursultan Nazarbaevtyń atyna berý jaıly usynysyn qoldaıtyndyqtaryn aıtady.
- Elbasy Nursultan Nazarbaev táýelsizdik alǵan alǵashqy jyldardan beri memlekettiń damyǵan elder qataryna qosylýy úshin aıanbaı ter tókti. Halyqtyń turmystyq jaǵdaıy kóterilip, el ekonomıkasy óristedi. Maqtanyshymyzǵa aınalǵan Astana qalasy boı kóterdi, - deıdi jas jýrnalıst Máýlen Ánerbaı.
Qalmahanbet MUQAMETQALI,
«Egemen Qazaqstan»
Almaty oblysy
