Máselen, 2018 jyly otandyq kólik turaqtary 2 myńnan astam tehnıka satyp alǵan. Qoǵamdyq kólikter Reseıden, Qytaıdan, Japonııa, Koreıa jáne О́zbekstan elderinen jetkizildi. Avtobýs parkyn jańǵyrtý boıynsha lızıngtik qarjylandyrý jobasy da byltyr bastalǵan bolatyn. Jeńildetilgen avtonesıe men lızıngke 10 mlrd teńge kóleminde qarjy bólindi. Eske salaıyq, Ulttyq qor men memlekettik qazynadan osy maqsattarǵa 26 mlrd teńge baǵyttaldy.
Qazaqstanda «Nyundai» markaly jeńil avtokólik shyǵaratyn zaýyt salynady. Bul týraly keshe Úkimet otyrysynda 2015-2019 jyldarǵa arnalǵan ındýstrıaldy-ınnovasııalyq damý memlekettik baǵdarlamasynyń oryndalý barysy jaıynda baıandaǵan Indýstrııa jáne ınfraqurylymdyq damý mınıstri Roman Sklıar aıtty.
Sonymen qatar, ol óńdeý sektoryna Elbasynyń tapsyrmasy boıynsha «qarapaıym zattar ekonomıkasy» salasyn jeńildikpen nesıeleý baǵdarlamasyna toqtalyp, bólingen 600 mlrd teńge kólemindegi qarjynyń jańa serpin berý kerektigin aıtty. Onyń 400 mlrd teńgesi ónerkásiptik taýarlar óndirisi men jekelegen qyzmet túrlerin damytýǵa baǵyttalmaq. Memlekettik damý ınstıtýttary KASE bırjasyna shyǵý úshin shaǵyn jáne orta bıznesti sýbsıdııalaıdy. Qazaqstan qor bırjasynyń basqarma tóraǵasynyń orynbasary Andreı Salıýktyń aıtýynsha, emıtent naryqqa jalpyǵa ortaq baǵamen shyǵa alady, alaıda stavkanyń bir bóligin damý ınstıtýttary sýbsıdııalaıdy. Osy arqyly otandyq baǵaly qaǵazdar naryǵy jandana túsedi, deıdi Salıýk. Bul týraly Kýrsıv portaly habarlaıdy.
Árıne, bul baǵytta KASE-niń utary az. О́ıtkeni jeke qundy qaǵaz shyǵarǵannan nesıe alǵan áldeqaıda jeńil. Biraq bul baǵdarlama korporatıvtik oblıgasııalar naryǵyndaǵy baǵany retteı alatyndyǵymen mańyzdy, deıdi sarapshy. London men Nıý-Iorktiń shıkizat bırjalarynda dúısenbi kúngi saýda-sattyq qorytyndysy boıynsha munaı baǵasy qubylyp tur. Londondaǵy ICE Futures bırjasynda mamyr aıynda jetkiziletin Brent markaly munaıdyń boljamdyq quny 28 sentke ósip, 67 dollar 36 sentti qurady. Nıý-Iork taýar bırjasynda (NYMEX) mamyr aıynda jetkiziletin WTI markaly munaı 22 sentke arzandap, bir barreli 58 dollar 82 sentke teń boldy.
