Foto: Pixabay.com
Sot málimetine sáıkes, uzaqqa sozylǵan múlik daýy nátıjesinde áıel kúıeýimen ajyrasqysy kelgen. Ajyrasý kezinde onyń jeke menshiginde tirkelgen quny 125 mıllıon teńgeden asatyn kásiporyn áıeldiń ıeliginde qalýy tıis bolǵan, óıtkeni bul kásiporyn nekege qatysy joq jeke menshigi bolǵan.
2024 jyldyń tamyz aıynyń ortasynda er adam áıelinen qutylýǵa bel býyp, onyń atyna tirkelgen kásiporyndy mura retinde ıemdenýdi kózdegen. Ol áıelin tabıǵatqa demalýǵa aparyp, qaıyqta júzý kezinde sýǵa túsirip, batyryp óltirgen.
Jábirlenýshiler men olardyń ókilderi qylmyskerge ómir boıyna bas bostandyǵynan aıyrý jazasyn taǵaıyndaýdy suraǵan.
Aıyptalýshy qylmysyn moıyndamaǵan.
«Jaýapkershilikti jeńildetetin jaǵdaılar eskerilip – buryn sottalmaǵany, áriptesteri men qyzmettesterinen alynǵan jaqsy minezdemesi, sondaı-aq aýyrlatatyn jaǵdaılardyń bolmaýy negizinde sot K.-ny QR QK 99-baby 2-bólim 8-tarmaǵy boıynsha kináli dep tanyp, orta qaýipsizdikti qamtamasyz etetin qylmystyq-atqarý júıesi mekemelerinde 15 jylǵa bas bostandyǵynan aıyrý jazasyn taǵaıyndady», delingen sot habarlamasynda.
Úkim áli zańdy kúshine engen joq.
Talǵardaǵy adam ólimi men bala urlyǵy: Ýchaskelik ınspektorǵa úkim shyqty
