Foto: TJM
Shyńǵys Árinov órtke qarsy ınfraqurylymdy nyǵaıtý vedomstvonyń negizgi basymdyqtarynyń biri ekenin atap ótti. Onyń aıtýynsha jańa bólimshelerdi salý jáne qoldanystaǵy bólimderdi jańǵyrtý zamanaýı syn-qaterlerge saı tıimdi áreket etý júıesin qalyptastyrýǵa múmkindik beredi.
Bólimshe zamanaýı standarttarǵa saı jáne qyzmet atqarýǵa qajetti barlyq jaǵdaımen jaraqtalǵan. Ǵımaratta kásibı daıarlyqqa arnalǵan oqý synyptary, demalýǵa qolaıly úı-jaılar men turmystyq aımaqtar qarastyrylǵan. Jeke quram denesin daıarlyqta ustaýy úshin qutqarýshylardyń daǵdylary men tózimdiligin únemi jetildirýge múmkindik beretin zamanaýı «Batyr team» sport zaly jabdyqtalǵan.
Is-shara aıasynda 22 órt sóndirý beketi qutqarýshylaryna jańa órt sóndirý jáne qutqarý tehnıkasynyń kiltteri tabystaldy. Bul órt sóndirý avtosısternalary men jedel-qutqarý avtokólikteri. Qurylǵan jańa bólimshe Solnechnyı kenti men oǵan jaqyn ornalasqan 11 aýyldyq okrýgtiń, jalpy sany 9 myńnan astam turǵyny bar eldi mekenderdiń órt qaýipsizdigin senimdi qamtamasyz etýge múmkindik beredi.
Sonymen qatar órt sóndirý beketi óńirdegi strategııalyq mańyzdy energetıkalyq nysandardyń biri Ekibastuz 2-memlekettik aýdandyq elektr stansııasynyń qaýipsizdigin qamtamasyz etedi. Bul nysan eldiń energııamen qamtamasyz etilýinde mańyzdy ról atqarady. Is-shara barysynda azamattyq qorǵaý júıesin damytýǵa úles qosqan jergilikti atqarýshy organdardyń ókilderi, qutqarýshylar jáne azamattar TJM men oblys ákiminiń vedomstvolyq nagradalarymen marapattaldy.
