Foto: TJM
Vedomstvo basshysy avıasııany damytý TJM qyzmetiniń basym baǵyttarynyń biri ekenin atap ótti. Avıasııalyq jasaqtar tótenshe jaǵdaılarǵa den qoıý júıesinde erekshe ról atqaryp, qutqarý operasııalarynyń jedeldigin, utqyrlyǵyn jáne tıimdiligin qamtamasyz etedi.
Jańǵyrtý avıasııalyq ınfraqurylymdy paıdalanýdyń zamanaýı talaptaryn eskere otyryp júrgizildi. Jańartý barysynda birqatar jumys kesheni atqaryldy, ishki úı-jaılar jóndelip, jaryqtandyrý júıeleri men elektr jabdyqtary jańǵyrtyldy, qurylys konstrýksııalary qalpyna keltirildi, ortalyqtandyrylǵan sýmen jabdyqtaý júıesine qosylý qamtamasyz etildi.
Júrgizilgen is-sharalar nysannyń paıdalaný sıpattamalaryn edáýir jaqsartýǵa jáne qyzmetkerler úshin neǵurlym qolaıly jaǵdaı jasaýǵa múmkindik berdi. Munda jyl boıy ushýǵa turaqty daıyndyqta turatyn ES-145 «Evrokopter» tikushaǵy ornalasqan. Ol tótenshe jaǵdaılardy joıý kezinde, sonyń ishinde jetýi qıyn aýdandarda, sondaı-aq sanıtarııalyq avıasııa jelisi boıynsha ushýlardy oryndaý úshin paıdalanylady.
Sondaı-aq ushý jáne ınjenerlik-avıasııalyq quram qyzmetkerleri táýlik boıy kezekshilik atqaryp, avıasııalyq tehnıkanyń tapsyrmalardy oryndaýǵa árdaıym daıyn bolýyn qamtamasyz etedi. Angar áýe kemesin saqtaýǵa, tehnıkalyq qyzmet kórsetýge jáne jýýǵa, sondaı-aq jabdyqtar men personaldyń jumys oryndaryn ornalastyrýǵa arnalǵan. Sondaı-aq Pavlodar qalasy áýejaıyn rekonstrýksııalaý aıasynda aýyr klasty MI-8 tikushaǵyna arnalǵan avıasııalyq angar salý úshin bólingen jer ýchaskesi qaraldy.
