Onda birqatar nysandardy aralap, atqarylyp jatqan jumystarymen tanysty. Eń aldymen aımaq basshysy Birtilek aýyldyq okrýgi, Eńbekshi eldi mekeninde ornalasqan «Keles plast» JShS-niń jylyjaıǵa qajetti polıetılen ónimder shyǵarý sehyna bardy. Búginde atalǵan jylyjaıda 20 adam jumys isteıdi. Kásiporyn 2018 jyly iske qosylyp, jylyjaıǵa arnalǵan plenka, qysqysh (zajım), pres jip shyǵarýmen aınalysady. Jalpy, jobanyń quny – 150,0 mln. teńge.
Sondaı-aq óńir basshysy Qoshqarata aýyldyq okrýgi, Besqubyr eldi mekeni, «О́ktemhan» sharýa qojalyǵynda da boldy. Jylyna 120 tonna kókónis ónimin beretin jylyjaı 0,65 ga aýmaqta ornalasqan. Jalpy 15 adamdy jumyspen qamtyp otyr. Jobanyń jalpy quny – 22 mln. teńge. Sondaı-aq óńir basshysy Júzimdik jáne Birlesý aýyldyq okrýgterindegi 8 eldi mekendi tabıǵı gazben qamtamasyz etý barysymen tanysty. Odan keıin Birlesý aýyldyq okrýgi, Qazaqstan eldi mekenindegi sharýashylyqqa bardy. Munda jylyna 3 ret kókónis óndirý jobasy qarastyrylyp jatyr. Dálirek aıtsaq, M.Áýezov atyndaǵy OQMÝ-niń ǵylymı qyzmetkeri B.Qalymbetovtyń QR Bilim jáne ǵylym mınıstrliginiń 147 mln. teńge grantyn jeńip alǵan ozyq tehnologııasy endirilýde.
Aýdandaǵy birqatar nysandardyń jaı kúıimen tanysqan oblys ákimi ónim óndirýde jańa tehnologııalardy tıimdi paıdalaný zaman talaby ekenin aıtyp, birqatar tapsyrmalar júktedi.
Odan bólek oblys basshysy Birlik aýyldyq okrýgi aýmaǵyndaǵy «TM-Stroı – 21» JShS-niń press jip ıirý jáne qysh zaýyttaryna bardy. Keles aýdanyna jasaǵan issapary barysynda Túrkistan oblysynyń ákimi О́mirzaq Shókeev Birlik aýyldyq okrýginiń aýmaǵynda salynyp jatqan «Qyzylásker» qosalqy elektr stansasynyń qurylysymen tanysyp, Júzimdik aýyldyq okrýgi, Júzimdik eldi mekeni, Keles ózenindegi «Oımaýyt» sý bógetin aralap kórdi.
