Bosanǵan áıel júktiliktiń 39 aptasynda medısınalyq mekemege kelip túsken. 2019 jylǵy 13 naýryzda bala aýyr asfıksııamen týǵan. Bosanǵannan keıingi kezeńde kishkentaı pasıentke jaǵdaı turaqtanǵanǵa deıin qajetti medısınalyq kómek kórsetildi. Odan ári em alý úshin jańa týǵan náreste anasymen О́skemen qalasyndaǵy oblystyq "Ana men bala" ortalyǵyna sanıtarııalyq avıasııa jelisi boıynsha jetkizildi. Mundaı qajettilik bala densaýlyǵynyń aýyr jaǵdaıyna, medısınalyq mekemede kútim jasaý jáne emdeý boıynsha jaǵdaılardyń bolmaýyna, sondaı-aq joldardyń nashar jaǵdaıyna jáne kóshkin túsý qaýpine baılanysty týyndady.
Pasıentterdi, onyń ishinde jańa týǵan balalardy avıatasymaldaý kezinde sanavıasııanyń utqyr brıgadasy ushýdyń barlyq ýaqytynda aǵzanyń ómirlik mańyzdy fýnksııalaryna monıtorıng júrgizip otyrdy. Bul rette áýe kemesiniń bortynda qajetti medısınalyq jabdyqtar men dári-dármekterdiń bolýyna erekshe nazar aýdarylady. Osylaısha, jańa týǵan nárestelerdi bortta tasymaldaý úshin ottegin avtomatty túrde beretin jáne qaýipsizdik pen jaılylyqqa kepildik beretin ońtaıly temperatýra men ylǵaldylyqty ustap turatyn mamandandyrylǵan kývez qoldanylady.
Qazaqstan Respýblıkasynyń sanıtarııalyq avıasııasy kóp bóliginde qan aınalymy júıesi aýrýlary bar pasıentterge, jazataıym oqıǵalar, ýlaný jáne jaraqat alý kezinde, jańa týǵan náresteler jáne balalar jasyndaǵy patologııalar kezinde, sondaı-aq shuǵyl akýsherlik jaǵdaılar kezinde medısınalyq kómek kórsetedi. 2019 jylǵy 2 aıda patologııalyq aýrýlary bar jańa týǵan náresteler pasıentterdiń jalpy sanynyń 14,7% qurady.
2019 jylǵy 2 aıda sanavıasııamen 319 ushyp shyǵý oryndaldy, 374 pasıentke medısınalyq kómek kórsetildi, 390 medısınalyq qyzmet oryndaldy. Aǵymdaǵy kezeńde 298 pasıent tasymaldandy, 66 keńes berildi jáne 26 operasııa jasaldy.
