• 27 Naýryz, 2019

Qarýly Kúshterde «Mergen batalony» saıysynyń qorytyndysy boıynsha úzdikter tańdaldy

590 ret

kórsetildi

1 mın

oqý úshin

QR QK Qurlyq áskerlerindeatys mashyǵyn arttyrý, shtattyq qarý men qarý-jaraqtan oq atýlar jattyǵýlaryn (tapsyrmalaryn) oryndaý boıynsha úzdikterdi anyqtaý, áskerı qyzmteshilerdiń senip tapsyrylǵan qarý-jaraq pen áskerı tehnıkany sheber meńgerýlerine jaýapkershilik sezimderin tárbıeleý maqsatynda jalpyáskerı jáne desanttyq bólimsheler arasynda «Mergen batalony» saıysy óz máresine jetti.

Qarýly Kúshterde «Mergen batalony» saıysynyń qorytyndysy boıynsha úzdikter tańdaldy

Saıys barysynda merzimdi áskerı qyzmetshilerdi qosa eseptegende batalondardyń jeke quramy shtattyq qarý-jaraqtan baqylaý (oqý) atystarynyń jattyǵýlary men aýa raıyna qaramastan táýliktiń kez kelgen ýaqytynda jaýyngerlik daıarlyq pánderi boıynsha normatıvterdi oryndady. Tájirıbeli áskerı qyzmetshilerden quralǵan tóreshiler alqasy eki nomınasııa boıynsha saıys jeńimpazdaryn anyqtady. Birinshisi – motoatqysh, desanttyq-shabýyldaý, shabýyldaý batalondary, teńiz jaıaý áskeri batalondary men ekinshisi – tank batalondary arasynda.

Jetekshilerdiń baǵa berýleri boıynsha saıys nátıjeleri Qurlyq áskerleri bólimsheleriniń atys mashyqtary deńgeıiniń eleýli túrde joǵarlaǵanyn rastaıdy. Saıys qorytyndysy boıynsha «Batys», «Shyǵys» óńirlik qolbasshylyqtarynyń, Desanttyq-shabýyldaý áskerleriniń motoatqysh batalondary men «Shyǵys» óńirlik qolbasshylyǵynyń tank batalony jaqsy jaǵynan atap ótildi.