Bólimshelerdiń daıyndyq deńgeıin, olardyń qoıylǵan tapsyrmalardy oryndaýǵa ázirlik dárejelerin arttyrý, artıllerııalyq bólimshelerdi daıyndaýdyń ozyq tájirıbesi men ádistemelerin biriktirý jáne jetkizý, tapsyrmalardy oryndaý kezinde mınaatqysh bólimshelerdiń is-qımyldarynyń jańa aıla-tásilderin zertteý saıystyń negizgi maqsaty boldy.
«Shyǵys», «Batys» jáne «Ońtústik» óńirlik qolbasshylyqtarynyń 5 mınaatqysh batareıasy quramyndaǵy 120-dan asa áskerı qyzmetshi saıystyń úsh kezeńinde ózderiniń teorııalyq bilimderi men is júzindegi mashyqtaryn kórsetý úshin iriktelindi.
Birinshi kezeń barysynda batareıalar jalpy komandalyq nátıjeler boıynsha anaǵurlym kóp upaı sanyn jınaıtyn bólimsheni anyqtaý maqsatynda atys qarýynan baqylaý atystarynyń jattyǵýyn oryndady. Ekinshi kezeńde áskerı qyzmetshiler bólimshe quramynda jeke jeke túrde arnaıy daıyndyq boıynsha ózderiniń teorııalyq jáne praktıkalyq bilimderin kórsetti. Úshinshi kezeń barysynda áskerı qyzmetshiler jaýygerlikke barynsha jaqyndatylǵan jaǵdaılarda ýaqytqa kóp nysanaly jeńil brondalǵan tartqyshta ártúrli qashyqtyqtarda nysanalardan bastap atys pozısııalaryn aýystyra otyryp, mınaatqysh zeńbirekten praktıkalyq oq atýlardy oryndady.
Saıys qorytyndysy boıynsha birinshi oryndy «Shyǵys» О́ńQ mına atqysh batareıasy, ekinshi oryndy «Ońtústik» О́ńQ mınaatqysh batareıasy jáne úshinshi oryndy «Batys» О́ńQ mınaatqysh bólimshesi jeńip aldy.
