Aýla klýby – tárbıe ortalyǵy

Sársenbi, 18 shilde 2012 7:22

Qostanaı qalasynda jazǵy kezeńde 18 aýla klýby jumys isteıdi, olarda túrli 46 úıirme uıymdastyrylǵan. Sonyń ishinde jumysy memle­kettik tilde júrgiziletin úıirmeler, sport jó­­nindegi tájirıbeli nusqaýshylar júrgizetin 75 sporttyq seksııa bar. Jaz bastalǵaly bú­ginge deıin oblysta 10 myńnan astam bala sport­tyq is-sharalarǵa, týrıstik saparlarǵa tartyldy.

Sársenbi, 18 shilde 2012 7:22

Qostanaı qalasynda jazǵy kezeńde 18 aýla klýby jumys isteıdi, olarda túrli 46 úıirme uıymdastyrylǵan. Sonyń ishinde jumysy memle­kettik tilde júrgiziletin úıirmeler, sport jó­­nindegi tájirıbeli nusqaýshylar júrgizetin 75 sporttyq seksııa bar. Jaz bastalǵaly bú­ginge deıin oblysta 10 myńnan astam bala sport­tyq is-sharalarǵa, týrıstik saparlarǵa tartyldy. Týrıster sletteri ótti. Qalada ósip jatqan balalar úshin jaz aılarynda taza aýada júrýdiń, se­rý­endeýdiń mańyzy óte úlken ekenin aıtyp jatýdyń ózi artyq bolar. «Saıahat» aýla klýbynyń jumysy týǵan ólkeniń qyzyqty jerlerine ekskýrsııa ja­saýǵa baǵyttalǵan. Onyń músheleri jaz aılarynda tabıǵat aıasyna shyǵady, palatalyq lager uıym­dastyrady. Bıyl da ol osy jumysyn belsendi júrgizip otyr. Dalada palata tigip, koster jaǵyp, taza aýada tamaq pisirý, túrli kedergilerden ótýge talpyný qalada aqsaýsaq bolyp ósip jatqan uldar men qyzdardy ómirge ıkemdilikke de úıretedi.

«Ásker» áskerı-patrıottyq aýla klýby 2008 jyldan beri jumys istep keledi. Mun­da 13-18 jastaǵy alpystan astam jasóspirimder men qyzdar bos ýaqytyn ótkizedi. Jaz qyzyǵyn paıdaly ispen ushtastyrý basty maqsatqa aınal­ǵan. Olar oıynmen júrip órt sóndirý isine daıyndalady, áskerı-taktıkalyq jáne arnaıy daıyn­dyqty zerdeleıdi. Sporttyń birneshe túrinen sek­sııa­lar jumys isteıdi. Sonymen qosa, balalar áskerı topografııa isin jáne qysylshań jaǵdaıda qalaı tyǵyryqtan shyǵa bilý kerektigin de aýla klýb­ta­rynyń saıahatynda úırenedi. Mundaı saıa­hattar­dyń balalardy adamgershilikke, dostyqqa tárbıe­leýde de mańyzy zor.
Qaı kezde de túrli jarystar demalystyń qy­zyǵyn arttyra túsedi. Aýla klýbtary da óz ju­mysymen tuıyqtalmaı, jaz boıyna respýblıka­lyq, halyqaralyq jarystarǵa qatysyp turady. Mysaly, «Ásker» klýbynyń túrli jarystardan alǵan kýboktary men medalderiniń sany qyryq­tan asady! Ol kórshi Reseıdiń Magnıtogor, Chelıabi qalalaryndaǵy aýla klýbtarymen tyǵyz baılanys ornatqan. Jaqynda áskerlikter sporttyń judyryqtasý túri boıynsha oblystyq festıvalde ekinshi oryndy, al «Alaý» áskerı-patrıottyq oıyndarynda úshinshi oryndy ıelendi. «Ásker» aýla klýbynda qol kúresiniń oblysqa, odan qaldy respýblıkaǵa tanymal Baýyrjan Temirhanov, Erkebulan Ábishev, Temirlan Muńaıtpasov, Vladıslav Malyk, Maksım Ýnraý sııaqty maıtalmandary tárbıelenip shyqty.
«Taıpalar sleti», «Bolashaq sarbaz» áskerı-patrıottyq oıyndary balalardy naǵyz eptilikke tárbıeleıdi. Onyń qyzyǵy da bir tóbe. Úndis­terdiń kıimin kıip alǵan balalar naǵyz tapqyrlyq pen eptilikti kórsetý úshin talasady. Al áskerı-patrıottyq oıyndarda avtomat jınaý, granata laqtyrý, qaýipti jerlerdi mınadan tazartý sııaqty túrli synnan ótedi. Aýla klýbtary úshin jaz qyzyǵy oqý bastalǵanǵa deıin taýsylmaıdy. Tamyz aıynda «Jeńiske qaraı alǵa!» atty sparta­kıa­da aýla klýbtarynyń basyn qosady.
Epti, kúshti, shynyqqan, erjúrek jas óz Ota­nynyń patrıoty da bola alady. О́ıtkeni, ol qan­daı qıyndyqqa da qarsy tura alady. О́zine senim­di adamnyń kózqarasy, pikiri de turaqty. Ol ózge jastarǵa da jaqsy úlgi bolady. Osyndaı jas­tardyń qatary tolysyp jatsa, aýla klýbtarynyń da maqsatqa jetkeni dep bilemiz.
Vladımır RÝSOV, 
«Ásker» aýla klýbynyń jetekshisi.

Qostanaı.