Osylaısha, 2019 jyldyń qańtar-naýryz aılarynda satýdan túsken túsimder men taza kiris 1 951 mlrd jáne 343 mlrd teńgeni qurady, alǵashqy úsh aıda jospardyń oryndalýy sáıkesinshe 95%-dy jáne 188%-dy qurady. Operasııalyq paıda (NOPLAT) aǵymdaǵy jyldyń úsh aıynda 240 mlrd teńgeni qurady, bul 28 mlrd teńgege nemese josparlanǵan mejeden 13 %-ǵa artyq.
Qarjy kórsetkishteriniń ósýine áser etken negizgi faktorlar: munaı ónimderin, gazdy, gaz kondensatyn satý kóleminiń jáne júk aınalymynyń artýy, poshta qyzmetteriniń kóbeıýi, affınajdalǵan altyn óndirýdiń aıtarlyqtaı ósýi. Sonymen qatar, Qordyń barlyq iri portfeldik kompanııalarynda taýar quny men jalpy ákimshilik shyǵyndar azaıdy.
Taza tabystyń artýyna sonymen qatar «QazMunaıGaz» AQ tobyndaǵy qaýymdasqan kompanııalar men birlesken kásiporyndardan túsken kiris úlesiniń ulǵaıýy áser etti.
Aıta ketken jón, 2018 jyldyń sáýirinde Elbasy Nursultan Nazarbaev «Samuryq-Qazyna» qorynyń 2018-2028 jyldarǵa arnalǵan jańa damý strategııasyn bekitti. Memleket basshysy ulttyq ál-aýqat qory úshin mańyzdy mindetterdi qoıdy, olardyń bastysy – qorjyndyq kompanııalardy tıimdi basqarý jáne olardyń kórsetkishterin álemdik balamalarymen teńestirý.
