22 Sáýir, 2019

Rıdderge 7 jylda 860 adam kóship keldi

433 ret kórsetildi

Qazir shahardaǵy kenishterde jumys isteıtin qarakózderdiń qatary kóbeıip keledi.

2013 jyldan beri jumys kúshi mol, halqy tyǵyz qonystanǵan óńirlerden (Almaty, Qyzylorda, Jambyl, Túrkistan, Mańǵystaý oblystary jáne Shymkent qalasy) Shyǵys Qazaqstanǵa, onyń ishinde Rıdder qalasyna eńbek resýrstaryn tartý jumystary belsendi júrgizilip jatqany belgili.


Qalada 283 jumys orny bos tur

Osy ýaqyt aralyǵynda «Jumyspen qamtýdyń jol kartasy – 2020» jáne «2017-2021 jyldarǵa arnalǵan nátıjeli jumyspen qamtý jáne jappaı kásipkerlikti damytý» baǵdarlamalary arqyly kenshiler shaharyna 860 adam qonys aýdarypty (munyń 193-i - jetim jáne ata-anasynyń qamqorlyǵynsyz qalǵan balalar, 667-i - qonys aýdarýshylar, onyń 20-sy - "Serpin" baǵdarlamasynyń túlekteri). 170 otbasy memlekettik turǵyn úı qorynan pátermen qamtamasyz etilip, qalǵan bóligine bir jylǵa turǵyn úıdi jalǵa alýǵa sýbsıdııa tólenipti.  Batys Altaıdaǵy shaǵyn shaharǵa elimizdiń ár tarabynan myńǵa jýyq adam kóship kelse de, áli de mamandarǵa zárýlik bar. «Rıdderge qonys aýdaramyn deýshilerge esigimiz ashyq. 283 jumys orny bos tur. Bizge negizinen muǵalimder men dárigerler kerek. О́ıtkeni, qazir qalada jumys istep júrgen muǵalimderdiń 60 paıyzy zeınetkerler. 40-tan astam adam zeınetkerlik jasqa jaqyndap qaldy. Dárigerler de solaı, olardyń 30 paıyzy zeınetkerler», - deıdi qala ákimi Jomart Muratov.

Rıdder qalalyq Jumyspen qamtý ortalyǵynyń dırektory Áset Ersaıynov 2013-2019 jyldar aralyǵynda shaharǵa 66 muǵalim, 45 medısına qyzmetkeri (onyń 12-si dáriger), 294 ártúrli mamandyq ıeleri (marksheıderler, júrgizýshiler, elektr gazymen dánekerleýshiler, metallýrgter, geolog, kenshiler, baǵdarlamashylar, t.b) kelgenin,  7 adam qaıta daıarlaý kýrsyn ótkenin, 3 adam jańa bıznes-ıdeıalardy iske asyrý úshin grant alǵanyn aıtady. «Biz Rıdderge qalamyzda suranysqa ıe mamandardy shaqyramyz. 2019 jyly 35 otbasyn (105 adam) qonystandyrý josparlanyp otyr. Búgingi tańda 20 otbasy (47 adam) qonys aýdardy», - deıdi ol.


Jas otbasy, jas metallýrgter


Kezinde Dinmuhammed Qonaev kenshi bolyp eńbek etken Rıdder ázelden metallýrgterge qutty meken sanalady. Qazir shahardaǵy kenishterde jumys isteıtin qarakózderdiń qatary kóbeıip keledi. Sonyń biri – «Qazsınk» JShS-ine qarasty Rıdder metallýrgııa kesheniniń qyzmetkeri, Qyzylorda oblysy, Shıeli aýdanynyń týmasy Maqsut Seıitkamal. Maqsut 2014-2017 jyldary «Serpin» baǵdarlamasy arqyly Rıdder agrarlyq kolledjin támámdapty. Sol jyly birden jumysqa ornalasypty. О́mirlik jary Almagúl Ámirenovamen osy oqý ornynyń qabyrǵasynda tanysyp, kóńil jarastyryp, shańyraq qurypty. «2017 jyly oqýdy bitirip, Kóshi-qon baǵdarlamasyna kezekke turyp, páter jaldaǵanǵa sýbsıdııa aldyq. 2018 jyly baspanaly boldyq. Qazir ózimmen birge týǵan inim Ulan «Qazsınkte» jumys istep jatyr. Rıdderde turyp jatqanymyzǵa 5 jyldaı ýaqyt boldy. Úırenip qaldyq. El jaqqa arasynda baryp turamyz», - deıdi Maqsut.

Almagúl Ámirenova qazir Rıdder qalalyq Jumyspen qamtý ortalyǵynda jumys isteıdi. «О́zim Almaty oblysynyń Talǵar aýdanynanmyn. Maqsut ekeýmiz «Serpin» baǵdarlamasymen birge oqydyq. Birge oqyp bilim alǵannan keıin osynda qalýdy uıǵardyq. Meniń qazirgi jumysym syrttan kóship keletin qonys aýdarýshylarmen tyǵyz baılanysty. О́zim de elimizdiń basqa óńirinen kóship kelgennen keıin olardyń jaǵdaılaryn jaqsy túsinemin», - deıdi ol.


Shyǵys Qazaqstan oblysy,

Rıdder qalasy

Sýretterdi túsirgen Mereı QAINAROV

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar