Onyń ishinde 800 gramnan artyq geroın,120 kılogramm marıhýana bar. Esirtki zattar paıdalanǵan 5 adamǵa qarsy sotqa deıingi tergeý amaldary júrip jatyr.
Esirtki qylmysyna qarsy is-qımyl basqarmasynyń bastyǵy Qaırat Tasjanovtyń aıtýynsha, jyl saıyn júrgiziletin jedel jumystardyń arqasynda, esirtki saqtaıtyn nemese satatyndar ustalady. Mysaly, Qostanaı qalsynda 27 jastaǵy áıel ustaldy. Qostanaı aýdanynda turatyn ol oblys ortalyǵynan páter jaldap, sonda esirtki zattaryn satyp otyrǵan. Ony ustaǵanda qaltasynan 322 gramm geroın tabyldy. Ary qaraı onyń turatyn páterin qaraǵanda taǵy da 451 gramm geroın tabyldy. Áıel qamaldy, oǵan sotqa deıingi tergeý amaldary júrip jatyr.
Polıseıler Qostanaı qalasyndaǵy týberkýlezge qarsy dıspanser mańynan «Mersedes» mashınasyna aıdap júrgen 27 jastaǵy jigitti de kúdikpen ustaǵan. Odan 1,5 gramm garoın, 122 gramm marıhýana tabyldy. Polıseıler jedel izdestirý arqyly taǵy da 1985 jyly jáne 1962 jyly týǵan azamattardy ustady. Olar da esirtki zattaryn satýmen, saqtaýmen aınalysqan.
2019 jyldyń basynan bastap, Qostanaıda esirtkige qatysty barlyǵy 153 qylmys pen quqyq buzýshylyqtar anyqtaldy. 12 kılogramǵa jýyq esirtki zattar, onyń ishinde 2 kılogramm 700 gramm geroın, 4 kılogramm 800 gramm marıhýana tárkilendi.
