Tártip saqshylarynyń teris qylyǵy
Seısenbi, 21 mamyr 2013 0:44
Burynǵy tártip saqshylaryn osyndaı jaǵdaıǵa ýshyqtyrǵan oqıǵa Qaraǵandydan alys emes Topar kentinde oryn alǵan bolatyn. Tún ortasyna taman dúkenderdiń birine kirgen eki polıseı satýshynyń jasóspirimge spırtti ishimdikke jatatyn djın-tonıkti satyp turǵanyn baıqap qalady. Artynan olar 500 dollar para berilse, bul árekettiń áshkerelenbeı jyly jabylatyndyǵyn sezdiredi. Dúkenshi ekeýiniń teris qylyqqa eriksiz bopsalaýyn tıisti oryndarǵa málim etedi.
Seısenbi, 21 mamyr 2013 0:44
Burynǵy tártip saqshylaryn osyndaı jaǵdaıǵa ýshyqtyrǵan oqıǵa Qaraǵandydan alys emes Topar kentinde oryn alǵan bolatyn. Tún ortasyna taman dúkenderdiń birine kirgen eki polıseı satýshynyń jasóspirimge spırtti ishimdikke jatatyn djın-tonıkti satyp turǵanyn baıqap qalady. Artynan olar 500 dollar para berilse, bul árekettiń áshkerelenbeı jyly jabylatyndyǵyn sezdiredi. Dúkenshi ekeýiniń teris qylyqqa eriksiz bopsalaýyn tıisti oryndarǵa málim etedi.
Talap etilgen aqshany alyp jatqan ústinde ustalǵan polıseılerdiń jemqorlyq isi jaqynda sotta qaraldy. Biri jergilikti polısııa bólimshesi qoǵamdyq qaýipsizdik bóliminiń bastyǵy, ekinshisi ýchaskelik ınspektor árqaısysyna 4 jyl temir tordyń arǵy jaǵynda otyrý kesildi.
Aıqyn NESIPBAI,
«Egemen Qazaqstan».
Qaraǵandy oblysy,
Abaı aýdany.
_________________
Para berip, sytylyp ketti
Ulttyq qaýipsizdik komıtetiniń oblystyq basqarmasy oblystyq ishki ister departamentiniń aǵa jedel ýákili Murat Muhamedjanov pen Mamlıýt aýdandyq ishki ister bólimi bastyǵynyń orynbasary Qýanysh Bekenovke qatysty qylmystyq is qozǵaldy. Qoǵamdyq tártip saqshylary buryn ıelikten alynǵan «Toıota Alfard» jáne «Sıtroen S-Krosser» sheteldik kólikterin keri alý maqsatymen basqarma qyzmetkerine 10 myń dollar para usynǵan. Alaıda, tutqyndaý toby jetkenshe tabandaryn jaltyratyp úlgirgen. Olar Qylmystyq kodekstiń 307 jáne 312 baptary boıynsha aıyptalyp, óndiristik is qarjy polısııasynyń qaraýyna berildi.
О́mir ESQALI,
«Egemen Qazaqstan».
Soltústik Qazaqstan oblysy.
___________________________
Kóldeneń tabys torǵa tyqty
Kóldeneń tabysqa kenelýdiń joly kóp eken. Ásirese, sheteldikter shoǵyry mol munaıly Atyraýda túrli aıla-sharǵy jasaýdyń amalyn tapqandar tabylyp jatyr. Máselen, oblystyq IID Kóshi-qon polısııasy basqarmasynyń kóshi-qondy baqylaý bólimshesiniń bastyǵy A.Imanbaev degen sheteldikterdi tirkeýden qaltasyn toltyrmaq bolypty. Ol shetel azamattarynyń QR aýmaǵynda bolýyn tirkeý boıynsha qujattardy kedergisiz rásimdeý jáne olarǵa qamqorshy tanytqany úshin Atyraý qalasyndaǵy bir JShS ákimshiliginen 150 myń teńge para aldy dep aıyptalǵan. Bul isti óńirdegi ekonomıkalyq qylmysqa jáne sybaılas jemqorlyqqa qarsy kúres departamenti egjeı-tegjeı tergep, sotqa joldaǵan eken.
Taıaýda Atyraý qalalyq №2 sotynyń úkimimen A.Imanbaev QR QK 311-baby 2-bóligi (para alý) boıynsha kináli dep tanylyp, jeke ózine tıesili múlkin tárkileýmen 5 jylǵa bas bostandyǵynan aıyrýǵa sottaldy. Polısııa maıory sheninen de aıyryldy, dep habarlady Atyraý oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmeti. Endi bul ózge polıseılerge sabaq bolsa, qane!
Joldasbek ShО́PEǴUL,
«Egemen Qazaqstan».
Atyraý oblysy.
